लहान बाळांना गोमांस खाण्याचा सल्ला देणार्‍यांवर गुन्हा नोंदवा ! – विश्व हिंदु परिषद

नवी मुंबई – येथील महापालिका रुग्णालयात ९ ते ११ महिन्यांच्या मुलाला गोमांस खाण्याचा सल्ला देणारे भित्तीपत्रक लावणार्‍यांवर धार्मिक भावना दुखावण्याचा गुन्हा नोंद करावा, अशी मागणी विश्व हिंदु परिषदेने केली आहे. या प्रकरणी त्यांनी वाशी पोलीस ठाणे येथे निवेदन दिले आहे. याविषयीची भित्तीपत्रके विश्व हिंदु परिषदेच्या कार्यकर्त्यांनी फाडली.

“Register a case against those who advised feeding beef to young children!” – VHP 🚩

A highly concerning incident has come to light at Vashi Municipal Hospital.

Memorandum submitted to the police demanding immediate action.

In a state that honors Go Rakshaks, how could such… pic.twitter.com/78bOZZRNy7

— Sanatan Prabhat (@SanatanPrabhat) June 16, 2026

निवेदनामध्ये म्हटले आहे की,

१. १४ जून या दिवशी कार्यकर्ते रोहित खंडागळे महापालिकेच्या वाशी येथील रुग्णालयात गेले होते. या वेळी त्यांना रुग्णालयाच्या भिंतीवर ‘भारतीय बालरोग अकादमी (IAP)- IYCF विभाग’च्या नावाने ‘वय ९ ते ११ महिने पूरक आहार मार्गदर्शक’ या शीर्षकाखाली भित्तीपत्रक लावलेले दिसले.

२. त्यात बारीक चिरलेले मांस (चिकन, मटण, गोमांस) असा स्पष्ट उल्लेख करण्यात आला होता. हिंदु धर्मात गाय पवित्र मानली जाते. त्यामुळे गोमांस भक्षण करणे हिंदु धर्मविरोधी आहे. बाळाला गोमांस खाऊ घालण्याचा सल्ला देणे, हे अत्यंत निंदनीय असून कोट्यवधी हिंदूंच्या धार्मिक भावना दुखावणारे आहे. सार्वजनिक ठिकाणी असे भित्तीपत्रक लावणे हे जाणीवपूर्वक धार्मिक भावना भडकावण्याचा प्रयत्न वाटतो.

३. या प्रकरणी भारतीय बालरोग अकादमी आणि भित्तीपत्रक लावणारे संबंधित अशांवर गुन्हा नोंदवून कठोर कायदेशीर कारवाई करावी, तसेच हे आक्षेपार्ह भित्तीपत्रक तात्काळ हटवण्याचे आदेश द्यावेत.