सनातन प्रभात > Post Type > बातम्या > आंतरराष्ट्रीय बातम्या > Lashkar Terrorist Threat : कोणताही पाकिस्तानी नेता इस्रायलसमवेत संबंध प्रस्थापित करण्याचा प्रयत्न करेल, त्याची हत्या केली जाईल !

Lashkar Terrorist Threat : कोणताही पाकिस्तानी नेता इस्रायलसमवेत संबंध प्रस्थापित करण्याचा प्रयत्न करेल, त्याची हत्या केली जाईल !

लष्कर-ए-तोयबाकडून पाकचे पंतप्रधान आणि सैन्यदलप्रमुख यांना उघड धमकी

लष्कर-ए-तोयबाचा उपप्रमुख सैफुल्ला कसुरी (मध्यभागी)

इस्लामाबाद (पाकिस्तान) – कोणताही पाकिस्तानी नेता इस्रायलसमवेत संबंध प्रस्थापित करण्याचा प्रयत्न करेल, त्याची हत्या केली जाईल, त्याला संपवले जाईल आणि उद्ध्वस्त केले जाईल, अशी धमकी पाकिस्तानची आतंकवादी संघटना लष्कर-ए-तोयबाचा उपप्रमुख सैफुल्ला कसुरी याने दिली. अमेरिकेचे राष्ट्राध्यक्ष डॉनल्ड ट्रम्प यांचा इस्रायलसमवेत राजनैतिक संबंध सुधारण्यासाठी असलेला ‘अब्राहम अकॉर्डस’ (इस्लामी देशांनी इस्रायलला ‘राष्ट्र’ म्हणून मान्यता देणे) प्रस्ताव पाकिस्तानने फेटाळून लावला. यानंतर कसुरीने वरील धमकी दिल्याचा व्हिडीओ समोर आला.

कसुरीच्या या धमकीमुळे पाकिस्तानमध्ये आतंकवादी संघटनांच्या वाढत्या प्रभावावर प्रश्नचिन्ह उपस्थित केले जात आहे. कट्टरतावादी संघटना देशाच्या राजकीय आणि सैनिकी प्रमुखांवर दबाव निर्माण करत असल्याने चिंता व्यक्त केली जात आहे.

संपादकीय भूमिका

पाकने जे पेरले आहे, ते त्याला गिळंकृत केल्याविना रहाणार नाही, हेच यातून लक्षात येते !

नूतन लेख