Gokul Milk Halal Certification : ‘गोकुळ’ दूध उत्पादन संघाच्या विविध उत्पादनांना ‘हलाल’ प्रमाणपत्र !

आखाती देशांत निर्यात करण्यासाठी प्रमाणपत्र ! – वैद्यकीय शिक्षणमंत्री हसन मुश्रीफ

या संदर्भात पत्रकारांनी विचारलेल्या प्रश्नाला उत्तर देतांना वैद्यकीय शिक्षणमंत्री हसन मुश्रीफ म्हणाले, ‘‘हे प्रमाणपत्र वर्ष २०२२ मध्येच घेण्यात आले आहे. आंतरराष्ट्रीय व्यापारासाठी आवश्यक असलेले ते एक तांत्रिक आणि गुणवत्ता मानक आहे.

गोकुळचे तूप, लोणी, दूध पावडर मोठ्या प्रमाणात सौदी अरेबिया, संयुक्त अरब अमिरात, कतार, तुर्कीये, जॉर्डन, सीरिया या आखाती देशांमध्ये विकले जाते. या देशांच्या व्यापार नियमानुसार ‘हलाल प्रमाणपत्र’ असल्याविना तिथे अन्नपदार्थ विक्रीस अनुमती मिळत नाही, त्यामुळे हे प्रमाणपत्र घेण्यात आले आहे.’’ (आखाती देशांमध्ये विकण्यात येणारी हलाल प्रमाणित उत्पादने भारतात का विकली जात आहेत ? याचे उत्तर मुश्रीफ यांनी दिले पाहिजे ! – संपादक)

हे ही पहा !!!

The Shocking Truth!! of The Billion-Dollar H@lal Economy – Unmasked by Ramesh Shinde | Changemakers

(अब्जावधी डॉलर्सच्या हलाल अर्थव्यवस्थेचे धक्कादायक सत्य!! – रमेश शिंदे यांनी उघडकीस आणले | चेंजमेकर्स)

(सौजन्य : Prachyam)

‘हलाल’ प्रमाणपत्र म्हणजे काय ?

इस्लामनुसार ‘हलाल’ म्हणजे जे वैध आहे, ते. पूर्वी ‘हलाल’ हे केवळ मांसापुरते मर्यादित होते; मात्र आता धर्मांधांना त्यांची स्वतंत्र अर्थव्यवस्था उभी करायची असल्यामुळे गृहसंस्था, औषधे, सौंदर्यप्रसाधने आदी विविध गोष्टींना ‘हलाल’ प्रमाणपत्र थोडक्यात ‘ते इस्लामनुसार प्रमाणित आहे’, अशा आशयाचे प्रमाणपत्र घ्यावे लागते. त्यासाठी काही इस्लामी संघटना कार्यरत आहेत. त्यांनी संमत केलेल्या प्रमाणपत्राला ‘हलाल’ प्रमाणपत्र म्हटले जाते. देशाला समांतर अशी इस्लामी अर्थव्यवस्था उभारून प्रचलित अर्थव्यवस्था खिळखिळी करण्यासाठी धर्मांधांनी ‘हलाल’ प्रमाणपत्राच्या माध्यमातून रचलेला हा कट आहे.