गोवंशियांची तस्करी करणार्‍यांवर ‘मकोका’ लागणार !

मुंबई – वारंवार गोवंशियांची तस्करी करणार्‍या व्यक्ती, संघटना आणि टोळ्या यांवर ‘महाराष्ट्र संघटित गुन्हे नियंत्रण अधिनियम’ (मकोका) अंतर्गत कारवाई करण्यात यावी, असे आदेश गृहविभागाने पोलीस आणि महसूल प्रशासन यांना दिले आहेत. ‘बकरी ईद’च्या पार्श्‍वभूमीवर मुसलमान आमदारांनी मुख्य सचिवांच्या बैठकीत ‘गोतस्करांवर मकोका लावू नये’, अशी मागणी केली होती, तथापि सरकारने हा महत्त्वपूर्ण आदेश काढला आहे. गृहविभागाने या संदर्भात परिपत्रक काढले आहे.

🚨 𝐌𝐂𝐎𝐂𝐀 𝐭𝐨 𝐛𝐞 𝐢𝐦𝐩𝐨𝐬𝐞𝐝 𝐨𝐧 𝐭𝐡𝐨𝐬𝐞 𝐢𝐧𝐯𝐨𝐥𝐯𝐞𝐝 𝐢𝐧 𝐜𝐚𝐭𝐭𝐥𝐞 𝐬𝐦𝐮𝐠𝐠𝐥𝐢𝐧𝐠 𝐢𝐧 𝐌𝐚𝐡𝐚𝐫𝐚𝐬𝐡𝐭𝐫𝐚! 🐄⚖️

CM Devendra Fadnavis warns of strict action

The Home Department has issued orders to police authorities and also directed action… pic.twitter.com/fyZoE94XCd

— Sanatan Prabhat (@SanatanPrabhat) May 23, 2026

परिपत्रकात म्हटले आहे की,

१. महानगरपालिका, नगर परिषदा, जिल्हा परिषदा, पंचायत समित्या, तसेच ग्रामपंचायती यांनी अनधिकृत पशूवधगृह शोधून त्यांच्यावर कारवाई करावी.

२. परिवहन आणि वाहतूक विभागाने अनधिकृत पशूंची वाहतूक करणार्‍यांवर कारवाई करावी. ‘महाराष्ट्र प्राणी संरक्षण अधिनियम १९७६’अंतर्गत प्राण्यांना निर्दयीपणे वागवल्यास कारवाई करावी.

३. पोलीस आयुक्त, पोलीस अधीक्षक, पशूसंवर्धन आयुक्त आणि परिवहन आयुक्त यांनी नोडल अधिकारी नियुक्त करावेत अन् त्यांचे संपर्क क्रमांक उपलब्ध करून द्यावेत, असे पत्रकात म्हटले आहे.

४. संबंधित विभागांनी भरारी पथके स्थापन करून अवैध पशूवधगृहे आणि अवैध पशू वाहतूक यांवर प्रतिबंध आणावेत.

५. ‘११२’ या क्रमांकावर संपर्क करून गोवंश जतन करण्यासंदर्भात आलेल्या तक्रारींवर पोलिसांनी कारवाई करावी.

‘व्यापार्‍यांची वाहने पोलिसांविना अडवणारे कार्यकर्ते आणि संघटना यांवर कारवाई करावी’, अशी आग्रही मागणी काही आमदारांनी बैठकीत केली होती; मात्र याविषयी गृह विभागाने काढलेल्या पत्रकात काहीही उल्लेख नाही.