चोरोची (सांगली) येथे ६९ लाखांचा अवैध, निकृष्ट आयात बेदाणा जप्त !

सांगली – कवठेमहांकाळ तालुक्यातील चोरोची येथे अन्न आणि औषध प्रशासनाने ‘अजितकुमार पाटील बेदाणा प्रोसेसिंग सेंटर’ या एका विनापरवाना ‘प्रोसेसिंग सेंटर’वर धाड घालून अनुमाने ६९ लाख १७ सहस्र ५९६ रुपये किमतीचा २६ सहस्र ६ किलो अवैधरित्या आयात केलेला निकृष्ट बेदाणा जप्त केला आहे. द्राक्ष बागायतदार संघाने सातत्याने केलेल्या पाठपुराव्याला या कारवाईमुळे यश आले आहे. (विदेशातून निकृष्ट माल आयात करून देशातील शेतकरी आणि जनता यांच्या आरोग्याची हानी करणार्‍यांवर कठोर कारवाई व्हायलाच हवी ! – संपादक)