सनातन प्रभात > Post Type > बातम्या > राज्यस्तरीय बातम्या > सिंहस्थ कुंभपर्वासाठी प्रति आखाडा ५ कोटी रुपयांचा निधी घोषित ! – देवेंद्र फडणवीस, मुख्यमंत्री

सिंहस्थ कुंभपर्वासाठी प्रति आखाडा ५ कोटी रुपयांचा निधी घोषित ! – देवेंद्र फडणवीस, मुख्यमंत्री

मुंबई – नाशिक-त्र्यंबकेश्वर सिंहस्थ कुंभपर्व म्हणजे महाराष्ट्रासाठी सेवेचा आदर्श निर्माण करण्याची संधी आहे. आखाड्यांना सर्व सोयी-सुविधा उपलब्ध होण्यासाठी प्रति आखाडा ५ कोटी रुपयांचा निधी, छोट्या संस्थाना साठी प्रति संस्थान १५ लाख रुपये देण्याची घोषणा मुख्यमंत्री देवेंद्र फडणवीस यांनी सह्याद्री अतिथीगृह येथे आयोजित सिंहस्थ कुंभपर्व आढावा बैठकीत केली.

या वेळी उपमुख्यमंत्री एकनाथ शिंदे, उपमुख्यमंत्री सुनेत्रा पवार याही उपस्थित होत्या. आखाड्यांच्या वीज देयकाची प्राधिकरणाच्या माध्यमातून अदायगी (पैसे देणे), आखाड्याची भूमी शासकीय कामासाठी अधिग्रहित केल्यास आखाड्यांना मोबदला किंवा भूमी देण्याची घोषणाही मुख्यमंत्र्यांनी केली आहे. ‘कुंभपर्वासाठी जगभरातून येणारे साधू, महंत आणि भाविक यांची सेवा करत त्यांच्या मार्गदर्शनातून कुंभमेळ्याचे भव्य-दिव्य आयोजन करण्यात येईल’, असे त्यांनी सांगितले.

एकनाथ शिंदे, देवेंद्र फडणवीस आणि सुनेत्रा पवार

ते म्हणाले, ‘‘त्र्यंबकेश्वर मंदिर परिसरात ‘कॉरिडॉर’ (सुसज्ज महामार्ग) उभारण्यात येणार आहे. यामुळे भाविकांना मोठ्या प्रमाणावर सुविधा उपलब्ध होतील. नाशिक येथील कुंड, रामकाल पथ, मंदिर, गुफा यांचाही जीर्णोद्धार करण्यात येत आहे. संपूर्ण नाशिक आणि त्र्यंबकेश्वर परिसरात अध्यात्मपूरक वातावरण निर्माण करण्याचा प्रयत्न होत आहे. मागील कुंभपर्वापेक्षा यावेळेच्या आयोजनामध्ये गोदावरी नदीचे स्वच्छ स्वरूप आपल्याला सर्वांना दिसणार आहे. त्यासाठी मोठ्या प्रमाणावर काम करण्यात येत आहे.’’
या वेळी उपमुख्यमंत्री एकनाथ शिंदे म्हणाले, ‘‘कुंभपर्वाच्या यशस्वी आयोजनासाठी राज्यशासन सर्वतोपरी प्रयत्न करत आहे. हे आयोजन अत्यंत दिमाखदार स्वरूपात पार पडेल. कुंभपर्वाच्या सुरक्षिततेत कुठलीही तडजोड खपवून घेणार नाही.’’

नूतन लेख