Afghan Child Shot Dead : पाकिस्तानकडून अफगाणी बालकाची गोळ्या झाडून हत्या

काबुल (अफगाणिस्तान) – पाकिस्तानी सैन्याने एका अफगाण बालकावर गोळ्या झाडून त्याची हत्या केली. या घटनेमुळे संतप्त झालेल्या तालिबानच्या सुरक्षा दलाने ६ पाकिस्तानी सैनिकांना ठार मारले. कंधार प्रांतात असलेल्या स्पिन बोल्डक जिल्ह्यातील अंगूर अड्डा या क्षेत्रात असलेल्या जलोल खेल भागातील सीमेवर ही चकमक झाली. एका पाकिस्तानी सैनिकाला पकडण्यात आले आहे. या चकमकीनंतर तलिबानच्या सुरक्षा दलांनी पाकिस्तानी सैनिकांकडील शस्त्रे कह्यात घेतली आहेत.

दुसरीकडे पाकिस्तानच्या ‘जिओ टीव्ही’ने याविषयीचे वृत्त प्रसारित करतांना म्हटले आहे की, ‘दक्षिण वझिरिस्तानमध्ये अफगाण तालिबानने केलेल्या गोळीबारात दोन महिलांसह तीन सामान्य नागरिक घायाळ झाले. पाकिस्तानच्या सुरक्षा दलाने या घटनेला ‘फितना अल्-खवारिज’ (आतंकवाद्यांच्या घुसखोरीचा अयशस्वी प्रयत्न) असे म्हटले आहे.’