मंगळुरू (कर्नाटक) येथील कुकर बाँबस्फोटाच्या प्रकरणी महंमद शारिक याला १० वर्षांची सश्रम कारावासाची शिक्षा

१९ नोव्हेंबर २०२२ या दिवशी मंगळुरूमधील कांकनाडी भागात एका चालत्या रिक्शामध्ये कुकर बाँबचा स्फोट झाला होता. आरोपी महंमद शारिक प्रेशर कुकरमध्ये बाँब घेऊन तो एका मंदिरात ठेवण्यासाठी जात होता; मात्र टायमरच्या चुकीच्या सेटिंगमुळे (९० मिनिटांऐवजी ९ मिनिटे सेट झाल्यामुळे) हा बाँब वाटेतच रिक्शामध्ये फुटला. या स्फोटात शारिक आणि रिक्शाचालक दोघेही गंभीर घायाळ झाले होते.

अन्वेषणात समोर आले होते की, शारिकचा उद्देश येथील मंजुनाथ मंदिरात बाँबस्फोट घडवून धार्मिक तणाव निर्माण करणे, हा होता. तो ‘इस्लामिक स्टेट’कडून प्रेरित असलेल्या शिवमोग्गा मॉड्युलचा (आतंकवादी कृत्यांचे नियोजन आणि त्याची कार्यवाही यासाठी बनवलेली स्थानिक तुकडी) सक्रीय सदस्य होता. त्याचा यापूर्वीच्याही अनेक देशविरोधी कारवायांमध्ये हात होता.