Colombia Bus Blast : कोलंबियात बसमध्ये झालेल्या बाँबस्फोटात १३ प्रवासी ठार, ३८ जण घायाळ !

बोगोटा (कोलंबिया) – दक्षिण अमेरिकी देश कोलंबियाच्या नैऋत्य भागात बसवर आतंकवादी आक्रमण झाले. २५ एप्रिलला झालेल्या बाँबस्फोटात १३ जणांचा मृत्यू झाला, तर ३८ जण घायाळ झाले. सैन्यदलप्रमुखांनी या घटनेचे वर्णन ‘आतंकवादी आक्रमण’ असे केले आहे. ‘असोसिएटेड प्रेस’ या वृत्तसंस्थेनुसार हा स्फोट काउका प्रांतातील काजिबियो भागात असलेल्या पॅनअमेरिकन महामार्गावर झाला.

१. प्रांताचे गव्हर्नर ऑक्टावियो गुजमान यांनी सांगितले की, स्फोटके रस्त्यात पेरण्यात आली होती आणि बस तिथून जात असतांनाच त्यांचा ‘रिमोट’च्या साहाय्याने स्फोट घडवून आणण्यात आला.

२. कोलंबियाच्या सशस्त्र दलांचे कमांडर जनरल ह्युगो लोपेझ यांनी या आक्रमणासाठी ‘इवान मोर्दिस्को’ नावाचे कुख्यात गुन्हेगारी जाळे आणि ‘जैमे मार्टिनेज’ गटाला उत्तरदायी धरले आहे.