CJP Social Media :  सीजेपी आंदोलनातील सामाजिक माध्यमांच्या ५०० हून अधिक विदेशी खात्यांवर कारवाई चालू ! – महाराष्ट्र सायबर पोलीस

मुंबई – सीजेपी (कॉकरोच जनता पक्ष) आंदोलनाच्या काळात भारताबाहेरील काही देशांमधून प्रसारित झालेल्या ५०० हून अधिक खात्यांची ओळख पटली असून पोलीस त्यावर कारवाई करत आहेत, अशी माहिती महाराष्ट्र सायबर पोलिसांनी दिली. या खात्यांवरील पोस्टसमध्ये कृत्रिम बुद्धीमत्ता साहाय्यक, तसेच ‘डीपफेक’ सामग्रीचा वापर करण्यात आल्याचे उघड झाले. यामध्ये ४२९ पोस्टस आक्षेपार्ह असल्याचे पोलिसांनी सांगितले.