सर्वकाही करण्या माझा श्रीराम समर्थ ।

‘२४.३.२०२५ या दिवशी सकाळी मी अमरावती सेवाकेंद्राच्या परिसरातील तुळशी वृंदावनासमोर रांगोळीने ‘श्रीराम समर्थ ।’, असे लिहिलेले पाहिले आणि मला पुढील काव्यात्मक कृतज्ञता स्फुरली.

माझ्यासारख्या जिवाला ।
योग्य कुळात जन्म देणारा माझा श्रीराम समर्थ ।।
मला साधना शिकवून ।
ती करून घेणारा माझा श्रीराम समर्थ ।। १ ।।

माझ्या मनात येणारे संकल्प ।
सिद्धीस नेण्यास माझा श्रीराम समर्थ ।।
मनातील विकल्पांवर मात करण्या ।
योग्य मार्गदर्शन करणारा श्रीराम समर्थ ।। २ ।।

अनेक जन्मांतील स्वभावदोष घालवून ।
गुणवृद्धी करून घेण्यास माझा श्रीराम समर्थ ।।
मला अखंड सेवा देऊन ।
ती माझ्याकडून कौशल्याने करून घेण्यास माझा श्रीराम समर्थ ।। ३ ।।

मला भूतकाळ विसरायला शिकवून ।
भविष्याच्या चिंता दूर करून
वर्तमानात ठेवण्यास माझा श्रीराम समर्थ ।।
सकाळी उठल्यापासून रात्री झोपेपर्यंत ।
योग्य-अयोग्य गोष्टींची जाणीव करून देण्यास श्रीराम समर्थ ।। ४ ।।

मनातील प्रत्येक विचारावर ।
नियंत्रण मिळवून देण्यास माझा श्रीराम समर्थ ।।
‘मी-माझे’, हे कर्तेपण घालवण्याची ।
सतत जाणीव करून देणारा माझा श्रीराम समर्थ ।। ५ ।।

माझा श्वास, माझा विश्वास अन् माझे अस्तित्व ।
टिकवून ठेवणारा माझा श्रीराम समर्थ ।।
प्रत्येक जिवावर निरपेक्ष प्रेम करायला शिकवणारा ।
माझा श्रीराम समर्थ ।। ६ ।।

या जन्मातच माझी साधना पूर्ण करून घेण्यासाठी ।
स्वतः धडपडणारा माझा श्रीराम समर्थ ।।
मी केवळ आणि केवळ कृतज्ञ असायला हवे ।
याची जाणीव करून देणाराही माझा श्रीराम समर्थ ।। ७ ।।

– सौ. माया पिसोळकर, अमरावती (२४.३.२०२६)