पुणे येथे ‘स्टिंग ऑपरेशन’ करणार्‍या पत्रकारावर ३ दिवसांनंतर गुन्हा नोंद !

एका हॉटेलवर महिलेचे केले चित्रीकरण

पुणे – शहरातील बुधवार पेठ परिसरातील एका हॉटेलमध्ये महिलेचे विनाअनुमती चित्रीकरण (स्टिंग ऑपरेशन) केल्याप्रकरणी रोहन कदम या पत्रकारावर विश्रामबाग पोलीस ठाण्यात गुन्हा नोंद केला आहे. या संदर्भात पीडित महिलेने तक्रार प्रविष्ट केली होती. ही घटना ३ दिवसांपूर्वी घडली होती. या घटनेचे सखोल अन्वेषण केल्यानंतर वरिष्ठ पोलीस अधिकार्‍यांनी कारवाईचे आदेश दिले. ‘स्टिंग ऑपरेशन’चे (गुप्त चित्रीकरण) कारण पुढे करत संबंधित पत्रकाराने महिलेचे चित्रीकरण केले होते. या प्रकरणाची माहिती मिळताच ‘पुणे श्रमिक पत्रकार संघा’ने याचा तीव्र निषेध केला.