सनातन प्रभात > Post Type > बातम्या > आंतरराष्ट्रीय बातम्या > CCTV Spy Racket : केंद्र सरकार देशभरातील सीसीटीव्ही कॅमेर्‍यांची तपासणी करणार !

CCTV Spy Racket : केंद्र सरकार देशभरातील सीसीटीव्ही कॅमेर्‍यांची तपासणी करणार !

गाझियाबाद (उत्तरप्रदेश) येथील सीसीटीव्हीचे चित्रीकरण थेट पाकमध्ये जात असल्याचे झाले उघड !

AI निर्मित चित्र

नवी देहली – उत्तरप्रदेशातील गाझियाबादमध्ये पाकिस्तानशी संबंधित हेरगिरी जाळे उघडकीस आल्यानंतर सीसीटीव्ही प्रणालीच्या सुरक्षेवर प्रश्नचिन्ह निर्माण झाले आहेत. या हेरगिरी जाळ्याद्वारे गाझियाबादमधील संवेदनशील ठिकाणी लावलेल्या सीसीटीव्ही कॅमेर्‍यांचे चित्रीकरण थेट पाकिस्तानात पाठवले जात होते. ही घटना उघडकीस आल्यानंतर केंद्र सरकारने देशभरातील सीसीटीव्ही नेटवर्कची तपासणी करण्याचा निर्णय घेतला आहे. गृह मंत्रालय हे गुप्तचर विभाग आणि इतर यंत्रणा यांच्या समवेत मिळून देशभरातील सीसीटीव्ही नेटवर्कची तपासणी चालू करण्याच्या सिद्धतेत आहे.

चिनी कॅमेर्‍यांमुळे हॅकिंगचा धोका कायम !

१ एप्रिलपासून केवळ ‘हॅकिंगप्रूफ कॅमेरे’च विकले जातील, जे सरकारी सुरक्षा तपासणी उत्तीर्ण करतील. भारतात ८० टक्के सीसीटीव्ही कॅमेरे चीनचे आहेत, ज्यामुळे डेटा चोरीचा धोका कायम असतो. सध्या ७ आस्थापनांचे ५३ मॉडेलच असे आहेत, जे प्रमाणित आणि सुरक्षित मानले गेले आहेत.

संपादकीय भूमिका

इस्रायलने इराणमधील रस्त्यांवरील सिग्नलही हॅक करून सर्व माहिती गोळा केली होती. भारताचे शत्रूदेशही असा प्रयत्न करत असल्याने आता भारताने सर्वच ठिकाणी सतर्क रहाण्याची आवश्यकता आहे !

नूतन लेख