India Donations : भारतात सर्वाधिक म्हणजे ४५.९ टक्के दान धार्मिक संस्थांना मिळतात ! – सर्वेक्षणाचा अहवाल

भारतातील प्रतिवर्षी दानशूर व्यक्ती करतात ५४ सहस्र कोटी रुपयांचे दान

नवी देहली – ‘हाऊ इंडिया गिव्हज २०२५’च्या अहवालानुसार भारतात वैयक्तिक दानाचा ४५.९ टक्के भाग धार्मिक संस्थांना दिला जातो. ४१.८ टक्के दान थेट अत्यंत गरीब, गरजू आणि भिकारी यांना मिळते. धार्मिक नसणार्‍या संस्थांपर्यंत केवळ १४.९ टक्के दान पोचते. देशातील दानाचा सर्वांत मोठा आधार सामान्य घरे आहेत. ६८ टक्के लोक कोणत्या ना कोणत्या रूपात साहाय्य करत असतात. एकूण घरगुती दानाचा अंदाज प्रतिवर्षी ५४ सहस्र कोटी रुपये आहे. हा अभ्यास २० राज्यांमधील सर्वेक्षणावर आधारित आहे. भारतीय हे जगातील सर्वांत उदार लोकांपैकी एक असल्याचे यात म्हटले आहे.