सनातन प्रभात > Post Type > बातम्या > राष्ट्रीय बातम्या > Punjab Lucky Oberoi Murder : पंजाबमध्ये सत्ताधारी आम आदमी पक्षाच्या नेत्याची गोळ्या झाडून हत्या !

Punjab Lucky Oberoi Murder : पंजाबमध्ये सत्ताधारी आम आदमी पक्षाच्या नेत्याची गोळ्या झाडून हत्या !

आम आदमी पक्षाचे नेते लक्की ओबेरॉय यांची हत्या

जालंधर (पंजाब) – आम आदमी पक्षाचे (‘आप’चे) नेते लक्की ओबेरॉय (वय ५२ वर्षे) यांची ६ फेब्रुवारीच्या सकाळी गोळ्या झाडून हत्या करण्यात आली. ओबेरॉय मॉडेल टाऊन परिसरात गुरुद्वारात दर्शनासाठी आले होते. ते तेथून बाहेर पडून त्यांच्या चारचाकी गाडीत बसू लागले, तेव्हा आक्रमणकर्त्यांनी त्यांच्यावर अंदाधुंद गोळीबार केला. कुटुंबियांनी त्यांना गंभीर अवस्थेत मॉडेल टाऊन येथील खासगी रुग्णालयात नेले. तेथे डॉक्टरांनी त्यांना मृत घोषित केले. कुटुंबाला त्यावर विश्‍वास बसला नाही; म्हणून त्यांनी त्यांना शहरातील श्रीराम रुग्णालयात नेले. तेथेही त्यांना मृत घोषित करण्यात आले.

अतिरिक्त पोलीस उपायुक्त जयंत परी यांनी सांगितले की, पोलिसांनी संपूर्ण परिसरात नाकेबंदी केली आहे. ‘सीसीटीव्ही’चे छायाचित्रण पडताळले जात आहे. आक्रमणकर्त्यांना अटक करण्यासाठी धाडी घातल्या जात आहेत. पोलीस अधिकार्‍यांचे म्हणणे आहे की, प्रकरणाची सर्व बाजूंनी चौकशी केली जात आहे आणि लवकरच आरोपींपर्यंत पोचण्याचा प्रयत्न केला जाईल.

संपादकीय भूमिका

सत्ताधारी पक्षाचे नेतेच जिथे सुरक्षित नसतील, तिथे तेथील सामान्य लोकांचे रक्षण कसे होत असेल, याचा विचारही न केलेला बरा !

नूतन लेख