सनातन प्रभात > Post Type > बातम्या > आंतरराष्ट्रीय बातम्या > Gaza Peace Board : गाझा शांतता मंडळात सहभागी होण्यासाठी अमेरिकेचे भारताला आमंत्रण

Gaza Peace Board : गाझा शांतता मंडळात सहभागी होण्यासाठी अमेरिकेचे भारताला आमंत्रण

भारताचे पंतप्रधान नरेंद्र मोदी व अमेरिकेचे राष्ट्राध्यक्ष डॉनल्ड ट्रम्प

नवी देहली – इस्रायल आणि हमास यांमधील संघर्ष कायमचा थांबण्यासाठी आणि गाझामध्ये कायमस्वरूपी शांतता स्थापित करण्यासाठी अमेरिकेकडून ‘गाझा बोर्ड ऑफ पीस’ची स्थापना करण्यात आली आहे. या गाझा शांती मंडळात सहभागी होण्यासाठी अमेरिकेने भारताला अधिकृत निमंत्रण पाठवले आहे. भारतातील अमेरिकेचे राजदूत सर्जियो गोर यांनी ‘एक्स’वर पोस्ट करत ही माहिती दिली आहे.

‘व्हाईट हाऊस’कडून भारताला या संदर्भात पाठवण्यात आलेल्या पत्रात म्हटले की, मध्य-पूर्वेतील शांतता भक्कम करण्यासाठी आणि जागतिक संघर्ष सोडवण्यासाठी एक नवीन दृष्टीकोन स्वीकारण्यासाठी भारताचे पंतप्रधान म्हणून तुम्हाला (नरेंद्र मोदी यांना) आमच्यासमवेत सहभागी होण्यासाठी आमंत्रित करणे, हा आमचा मोठा सन्मान आहे. २९ सप्टेंबर २०२५ या दिवशी गाझा संघर्ष संपवण्यासाठी एक व्यापक योजना घोषित करण्यात आली होती. ही योजना २० कलमी होती. या योजनेला पुढे घेऊन जाण्यासाठी संयुक्त राष्ट्र सुरक्षा परिषदेने मान्यता दिली. आता ही सर्व स्वप्ने प्रत्यक्षात आणण्याची वेळ आली आहे. या योजनेच्या केंद्रस्थानी शांती मंडळ असून जे आतापर्यंतचं सर्वांत प्रभावी आणि परिणामकारक मंडळ आहे. जे एक नवीन आंतरराष्ट्रीय संघटना आणि संक्रमणकालीन प्रशासन म्हणून स्थापित केले जाईल.

संपादकीय भूमिका

  • केवळ गाझाच नव्हे, तर संपूर्ण जगात शांततेसाठी प्रयत्न झाला पाहिजे; मात्र आतंकवाद्यांचा कारखाना असणार्‍या पाकला कडेवर घेणार्‍या अमेरिकेने भारताला आमंत्रण देणे, हा दुटप्पीपणाच आहे. भारताने याला नकार देणेच योग्य !
  • अमेरिका व्हेनेझुएलाच्या कारभारात नाक खुपसत आहे, तर ग्रीनलँड कह्यात घेण्यासाठी तेथील लोकांना धमकावत आहे. यामुळे जगात अशांती माजली आहे त्याचे का ? आपल्याला हवे त्या ठिकाणी शांतता प्रस्थापित करायची आणि हवे त्या ठिकाशी अशांती माजवायची, हे संतापजनक होय !

नूतन लेख