Chinese Ambassador Mr. Yao Wen : (म्हणे) ‘जमात-ए-इस्लामी हा बांगलादेशातील सुसंघटित राजकीय पक्ष !’ – याओ वेन, चीनचे राजदूत

बांगलादेशातील चीनचे राजदूत याओ वेन यांची मुक्ताफळे

ढाका (बांगलादेश) – बांगलादेशातील चीनचे राजदूत याओ वेन यांनी बांगलादेशातील कट्टर हिंदुविरोधी राजकीय पक्ष ‘जमात-ए-इस्लामी’च्या कार्यालयाचे प्रमुख डॉ. शफीकुर रहमान यांची भेट घेतली. त्यानंतर त्यांनी म्हटले की, जमात-ए-इस्लामी हा बांगलादेशातील सुसंघटित राजकीय पक्ष आहे.

१. या संघटनेवर काही वर्षांपूर्वी तत्कालीन पंतप्रधान शेख हसीना यांनी बंदी आणली होती. तसेच हसीना यांचे सरकार उलथवण्यासाठी या संघटनेची भूमिका महत्त्वाची होती.

२. जमात-ए-इस्लामीने प्रसारित केलेल्या निवेदनात म्हटले आहे की, चीन आणि बांगलादेश यांच्यातील ऐतिहासिक मैत्रीने दोन्ही देशांच्या लोकांच्या कल्याणाच्या आणि विकासात दीर्घकाळ महत्त्वाची भूमिका बजावली आहे. सध्याच्या जागतिक परिस्थितीत हे द्विपक्षीय संबंध अधिक सशक्त केले जाऊ शकतात.