Railways Luggage Rules : छत्रपती शिवाजी टर्मिनस येथून सुटणार्‍या लांब पल्ल्यांच्या गाड्यांच्या प्रवासातील सामानाची पडताळणी होणार !

मुंबई – छत्रपती शिवाजी टर्मिनस येथे आता लांब पल्ल्याच्या गाड्यांनी प्रवास करणार्‍या प्रवाशांच्या सामानाची पडताळणी सुरक्षारक्षकांकडून होणार आहे. या पडताळणीत स्कॅनरद्वारे पडताळणी होईल. त्यावर ‘स्टिकर’ लागेल आणि नंतरच बॅग किंवा अन्य सामान प्रवाशांच्या हातात दिला जाऊन त्यांना पुढचा प्रवास करता येईल. विमानतळाप्रमाणे आता येथून निघणार्‍या लांब पल्ल्यांच्या गाड्यांसाठी ही पडताळणी आता अनिवार्य करण्यात आली आहे. माल वाहतूक आणि लांब पल्ल्याच्या गाड्या यांच्या स्थानकांच्या प्रवेशद्वारांवर हे ‘स्कॅनर’ बसवण्यात आले आहेत. लांब पल्ल्याच्या स्थानकांकडे जाणार्‍या सर्व प्रवेशद्वारांवर बॅरिकेट्स (अडथळे) लावण्यात आले आहेत.