Ladki Bahin Yojana Scam : १२ सहस्र ९०० हून अधिक सरकारी कर्मचार्‍यांनी घेतला योजनेचा अपलाभ !

मुख्यमंत्री माझी लाडकी बहीण योजनेविषयी माहिती अधिकारातून माहिती उघड !

मुंबई : मुख्यमंत्री माझी लाडकी बहीण योजनेचा १२ सहस्र ९०० हून अधिक सरकारी कर्मचार्‍यांनी अपलाभ घेतला, अशी माहिती ‘माहिती अधिकारा’तून उघड झाली आहे. या नव्या आकडेवारीनंतर योजनेतील अपात्र लाभार्थ्यांची संख्या १ लाखांहून अधिक झाली आहे. महिला आणि बालविकास विभागाने संबंधित विभागांना अशा कर्मचार्‍यांवर कारवाई करण्याचा आदेश दिला आहे.

ऑक्टोबरमधील माहिती अहवालात १२ सहस्र ४३१ पुरुष आणि ७७ सहस्र ९८० महिला अपात्र असूनही त्यांना या योजनेचा लाभ मिळाला होता. त्यामुळे किमान १६४ कोटी ५२ लाख रुपयांचा अपवापर झाला. सध्या २ कोटी ४ लाख महिला या योजनेचा लाभ घेत आहेत. त्यामुळे सरकारला प्रतिमहिना ३ सहस्र ७०० कोटी रुपयांचा खर्च येत आहे.