Oath of a King Charles : कॅनडामध्ये शीख अधिवक्त्याचा राजाप्रतीच्या निष्ठेची शपथ देण्यास नकार

न्यायालयानेही अशा प्रकारची शपथ घेण्यास सांगणे चुकीचे असल्याचे केले मान्य

ओटावा (कॅनडा) – कॅनडातील अल्बर्टा प्रांतात तेथील सर्वोच्च न्यायालयाने ऐतिहासिक निर्णय देत धार्मिक स्वातंत्र्याला घटनात्मक परंपरांपेक्षा अग्रक्रम दिला आहे. अल्बर्टा कोर्ट ऑफ अपीलने निर्णय दिला की, नव्याने वकिली व्यवसायात प्रवेश करणार्‍या अधिवक्त्यांना राजा चार्ल्स यांच्या प्रति निष्ठेची शपथ घ्यायला भाग पाडणे, त्यांच्या अधिकारांचे उल्लंघन ठरते. हा निर्णय एडमंटन येथील शीख अधिवक्ता प्रभजोत सिंह व्हायरिंग यांच्या दृष्टीने मोठा कायदेशीर विजय मानला जात आहे. त्यांनी धार्मिक कारणास्तव राजाप्रती निष्ठेची शपथ घेण्यास नकार दिल्यामुळे त्यांचा बार असोसिएशनमध्ये प्रवेश रोखला गेला होता.

१६ डिसेंबरला दिलेल्या या सर्वानुमते निर्णयात न्यायालयाने मान्य केले की, अशी अनिवार्य शपथ ‘कॅनडियन चार्टर ऑफ राइट्स अँड फ्रीडम्स’मध्ये दिलेल्या धार्मिक स्वातंत्र्याच्या हक्काच्या विरोधात आहे.