सनातन प्रभात > Post Type > बातम्या > आंतरराष्ट्रीय बातम्या > क्षमा मागा, नंतर म्हणू नका की, चेतावणी दिली नव्हती ! – Pakistani Don Threat

क्षमा मागा, नंतर म्हणू नका की, चेतावणी दिली नव्हती ! – Pakistani Don Threat

कुख्यात पाकिस्तानी गुंडाची बिहारचे मुख्यमंत्री नितीश कुमार यांना महिलेचा हिजाब काढल्यावरून धमकी

बिहारचे मुख्यमंत्री नितीश कुमार व पाकिस्तानमधील गुंड शहजाद भट्टी

नवी देहली – बिहारचे मुख्यमंत्री नितीश कुमार यांनी नियुक्तीपत्रे देण्याच्या कार्यक्रमात एका मुसलमान महिलेला पुरस्कार देतांना तिने घातलेला हिजाब काढण्याचा प्रयत्न केला. यावरून देशभरातून त्यांच्यावर टीका होत आहे. आता पाकिस्तानमधील कुख्यात गुंड शहजाद भट्टी यानेही व्हिडिओ प्रसारित करून धमकी दिली आहे. त्याने म्हटले आहे की, मुख्यमंत्र्यांनी सार्वजनिकरित्या क्षमा मागावी, अन्यथा नंतर असे म्हणू नका की, चेतावणी दिली नव्हती.

भट्टी याने व्हिडिओमध्ये म्हटले की, सर्व लोकांनी पाहिले असेल की, बिहारमध्ये काय झाले ? एका मोठ्या पदावर बसलेला व्यक्ती एका मुसलमान महिलेसमवेत असे वर्तन करते. नंतर माझ्यावर आरोप केले जातात की, शहजाद भट्टीने हे केले, ते केले. त्या व्यक्तीकडे अजूनही वेळ आहे की, तिने त्या महिलेची क्षमा मागावी. जर आज क्षमा मागितली नाही, तर उत्तरदायी संस्थांनी यावर कारवाई करावी. नंतर असे म्हणू नका की, चेतावणी दिली नव्हती.

संपादकीय भूमिका

पाकिस्तानी गुंडाचे भारतातील एका मुख्यमंत्र्यांना धमकी देण्याचे धाडस होतेच कसे ? पाकच्या राजदूतांना यावरून भारताने जाब विचारला पाहिजे ! तसेच या गुंडाला भारताच्या कह्यात देण्यास सांगितले पाहिजे !

नूतन लेख