Putin India Visit : रशियाचे राष्ट्राध्यक्ष व्लादिमिर पुतिन ४ डिसेंबरपासून २ दिवसांच्या भारत दौर्‍यावर !

रशियाचे राष्ट्राध्यक्ष व्लादिमिर पुतिन व भारताचे पंतप्रधान नरेंद्र मोदी

नवी देहली – रशियाचे राष्ट्राध्यक्ष व्लादिमिर पुतिन हे ४ आणि ५ डिसेंबरला भारतात येत आहेत. या वेळी त्यांची पंतप्रधान नरेंद्र मोदी यांच्यासमवेत द्विपक्षीय चर्चा होईल.

दोन्ही नेत्यांमध्ये व्यापार, ऊर्जा, धोरणात्मक भागीदारी आणि विशेषतः संरक्षण सहकार्य, या विषयांवर सविस्तर चर्चा होईल. यासह दोन्ही देशांमध्ये प्रगत क्षेपणास्त्र संरक्षण प्रणाली, पाचव्या पिढीतील लढाऊ विमाने आणि तंत्रज्ञान हस्तांतरण, यांसंदर्भात करार होण्याची शक्यता वर्तवण्यात येत आहे. भारत आणि अमेरिका यांच्यात व्यापाराच्या वाटाघाटी चालू असतांना पुतिन यांची भारतभेट, ही अमेरिकेसाठी चेतावणी असल्याचे सांगितले जात आहे.