ठाणे येथे १ कोटी २८ लाख रुपयांचे अवैध विदेशी मद्य जप्त !

ठाणे – राज्य उत्पादन शुल्क विभागाच्या कोकण विभागीय भरारी पथकाने पनवेल-मुंब्रा महामार्गावरील दहिसर मोरी परिसरात सापळा रचला आणि गोवा बनावटीच्या विदेशी मद्याची आंतरराज्यीय तस्करी उघडकीस आणली. या कारवाईत १ कोटी २८ लाख रुपये किमतीचे १ सहस्र ५३० खोके विदेशी मद्य आिण २८ लाख रुपयांचा ट्रक असा एकूण १ कोटी ९० लाख रुपयांचा मुद्देमाल जप्त केला आहे. मद्याच्या बाटल्यांवर ओळखपत्र क्रमांक किंवा विक्री मूल्य छापलेले नव्हते. या प्रकरणी राजस्थानमधील प्रवीण कुमार (वय २३ वर्षे) याला अटक करण्यात आली आहे.