Delhi Blast Maulana : देहली बाँबस्फोटाच्या प्रकरणी उत्तराखंडमधून एका मौलानाला अटक

(मौलाना म्हणजे इस्लामचा धार्मिक नेता)

डेहराडून (उत्तराखंड) – देहली बाँबस्फोटाच्या प्रकरणी उत्तराखंडमधील हल्द्वानी येथून मौलाना आसिम आणि अन्य एक अशा २ जणांना राष्ट्रीय अन्वेषण यंत्रणेच्या पोलिसांनी अटक केली. या दोघांची नावे स्फोटात ठार झालेला आतंकवादी डॉ. उमर यांच्या भ्रमणभाषमध्ये सापडली होती. मौलानाला बनभूलपुरा येथून आणि दुसर्‍या व्यक्तीला राजपुरा परिसरातून पकडले आहे. पथक दोघांनाही चौकशीसाठी देहलीला घेऊन गेले आहे.

मौलाना आसिम गेल्या ४ वर्षांपासून बिलाली मशिदीत मुलांना शिकवत होता. या कारवाईनंतर बनभूलपुरा येथील मशिदीजवळ पोलिसांना तैनात करण्यात आले आहे. त्याचबरोबर संपूर्ण बनभूलपुरा परिसरातही तपासणी चालू आहे. येणार्‍या-जाणार्‍या प्रत्येक वाहनाची तपासणी केली जात आहे.