सनातन प्रभात > Post Type > बातम्या > राष्ट्रीय बातम्या > छत्तीसगडमध्ये १४० मुसलमानांनी केली ‘घरवापसी’ !

छत्तीसगडमध्ये १४० मुसलमानांनी केली ‘घरवापसी’ !

(घरवापसी म्हणजे हिंदु धर्मात पुनर्प्रवेश)

हिंदु धर्मात पुनर्प्रवेश करून घेतांना प्रबल प्रताप सिंह जूदेव

सारंगड (छत्तीसगड) – छत्तीसगड राज्यातील सारंगड येथे नुकत्याच पार पडलेल्या विराट हिंदु संमेलनात १४० मुसलमानांनी हिंदु धर्मात पुनर्प्रवेश केला. प.पू. अजय उपाध्याय यांच्या वंदनीय उपस्थितीत हा ‘घरवापसी’ कार्यक्रम पार पडला. या ऐतिहासिक प्रसंगी ‘अखिल भारतीय घरवापसी अभियान’चे प्रमुख श्री. प्रबल प्रतापसिंह जुदेव प्रमुख पाहुणे म्हणून उपस्थित होते. त्यांनी सर्व १४० मुसलमान बांधवांचे पाय धुऊन सनातन धर्मात विधीवत् स्वागत केले.

हिंदु धर्मात पुनर्प्रवेशासाठी जमलेले हिंदू

१. श्री. प्रबल प्रतापसिंह जुदेव यांनी या वेळी सांगितले की, सनातन धर्म ही केवळ श्रद्धा नसून एक उत्कृष्ट जीवनपद्धत आहे. सनातन धर्म समरसता, प्रेम आणि सत्याचा मार्ग यांवर चालण्याची शिकवण देतो. ‘घरवापसी’ हे केवळ एक अभियान नसून राष्ट्रनिर्मितीचे कार्य आहे.

२. याप्रसंगी छत्तीसगड राज्याच्या ‘घरवापसी’ अभियानाच्या संयोजिका श्रीमती अंजू गबेल यांनी सांगितले की, छत्तीसगडमधील युवकांनी आपला धर्म आणि संस्कृती यांसाठी एकजुटीने कार्य करण्याची आवश्यकता आहे.

नूतन लेख