आमदार कर्डिले यांचे हृदयविकाराच्या झटक्याने अहिल्यानगर येथे निधन !

अहिल्यानगर – जिल्ह्यातील राहुरी विधानसभा मतदारसंघाचे भाजपचे आमदार शिवाजीराव भानुदास कर्डिले (वय ६७) यांचे १७ ऑक्टोबरला पहाटे हृदयविकाराच्या तीव्र झटक्याने निधन झाले आहे. त्यांच्या पश्चात पत्नी, ४ मुली, १ मुलगा असा परिवार आहे. राष्ट्रवादीचे आमदार संग्राम जगताप यांचे ते सासरे, तर भाजप युवा मोर्चा जिल्हाध्यक्ष (दक्षिण) अक्षय कर्डिले यांचे वडील आहेत. काँग्रेस, राष्ट्रवादी काँग्रेस, भाजप या पक्षात त्यांनी महत्त्वाची भूमिका बजावली. वर्ष २००९ मध्ये ते प्रथम अपक्ष म्हणून निवडून आले. वर्ष २०१४ च्या निवडणुकीत कर्डिले यांच्या प्रचारासाठी पंतप्रधान नरेंद्र मोदी यांनी राहुरीत जाहीर सभा घेतली होती. वर्ष २०२४ मध्ये ते राहुरी विधानसभा मतदारसंघातून आमदार झाले.