रामटेकडी ते पुलगेट (पुणे) येथे ८ तास वाहतूककोंडी !

पुणे – येथील रामटेकडी ते पूलगेट मार्गावर बस अन् ‘पी.एम्.टी.’ बससह ७ वाहने बंद पडल्याने ८ घंटे वाहतूककोंडी झाली. पावसाचे पाणी खड्ड्यात साचल्याने वाहतुकीचा वेग मंदावला होता. शालेय विद्यार्थी, कामगार आणि कार्यालयीन नागरिक यांना मानसिक त्रास सहन करावा लागला. वाहतूक सुरळीत करण्यासाठी पोलिसांना अनेक चौकांतील सिग्नल बंद करून वाहतूक हाताळावी लागली. नागरिकांनी नियमांचे पालन न केल्याने परिस्थिती गंभीर झाली. रामटेकडी ते पूलगेट हे ५ कि.मी.चे अंतर पार करण्यासाठी २ घंट्यांचा वेळ लागला. (प्रशासनाच्या नियोजनातील त्रुटी आणि नागरिकांची वाहतुकीचे नियम न पाळण्याची वृत्ती याचा गंभीर परिणाम ! – संपादक)