भिवंडी-कल्याण रस्त्यावर खड्ड्यात तोल जाऊन दुचाकीस्वाराचा मृत्यू !

ठाणे – भिवंडी-कल्याण रस्त्यावर खड्ड्यात तोल जाऊन राज सिंह (वय १९ वर्षे) हा दुचाकीस्वार रस्त्याच्या कडेला पडला. त्याच वेळी तेथून जाणारा भरधाव कंटेनर त्याच्या शरिरावरून गेला. या दुर्घटनेत दुचाकीस्वाराचा मृत्यू झाला असून  त्याचा साथीदार गंभीररीत्या घायाळ झाला आहे.

या घटनेमुळे भिवंडी येथे तणावाचे वातावरण निर्माण झाले आहे. या अपघातानंतर जिल्ह्यातील खड्ड्यांचा प्रश्न पुन्हा एकदा ऐरणीवर आला आहे.