सनातन प्रभात > Post Type > बातम्या > राष्ट्रीय बातम्या > IAF Chief On Operation Sindoor : ‘ऑपरेशन सिंदूर’द्वारे भारतीय वायूदलाने केवळ ४ दिवसांत पाकवर विजय मिळवला !

IAF Chief On Operation Sindoor : ‘ऑपरेशन सिंदूर’द्वारे भारतीय वायूदलाने केवळ ४ दिवसांत पाकवर विजय मिळवला !

वायूदलाचे प्रमुख एअर चीफ मार्शल ए.पी. सिंह यांचे विधान

एअर चीफ मार्शल ए.पी. सिंह

गाझियाबाद (उत्तरप्रदेश) – ‘ऑपरेशन सिंदूर’द्वारे भारतीय वायूदलाने केवळ ४ दिवसांत पाकवर विजय मिळवला, असे विधान भारतीय वायूदलाचे प्रमुख एअर चीफ मार्शल ए.पी. सिंह यांनी येथे केले. भारतीय वायूदलाचा ९३ वा वायूदल दिन येथील हिंडन वायूदल तळावर साजरा करण्यात आला. त्या वेळी एअर चीफ मार्शल सिंह बोलत होते.

ते पुढे म्हणाले, ‘‘ऑपरेशन सिंदूर’मधील आमची कामगिरी आम्हाला व्यावसायिक अभिमानाने भरून टाकते. काळजीपूर्वक नियोजन, शिस्तबद्ध प्रशिक्षण आणि दृढनिश्चय यांद्वारे काय साध्य करता येते ?’, याचे ‘ऑपरेशन सिंदूर’ एक ज्वलंत उदाहरण आहे. स्वदेशी शस्त्रांद्वारे शत्रूच्या प्रदेशात खोलवर अचूक आक्रमणे करण्यात आली.’’

यावर्षीच्या वायूदल दिनाचे ब्रीदवाक्य ‘सक्षम, बलवान, आत्मनिर्भर’ असे होते. हा दिवस ‘ऑपरेशन सिंदूर’च्या शूर योद्ध्यांना समर्पित होता. यानिमित्ताने शौर्य गाजवणार्‍या वायूदलातील ९७ सैनिकांना शौर्य पुरस्कार प्रदान करण्यात आले.

संपादकीय भूमिका

अजून काही दिवस ही मोहीम राबवून पाकला संपूर्ण नष्ट करायला हवे होते, अशीच भारतियांची अपेक्षा होती. ती लवकरात लवकर पूर्ण व्हावी !

नूतन लेख