सनातन प्रभात > Post Type > बातम्या > राष्ट्रीय बातम्या > Varanasi Loudspeaker Controversy : आठवड्याभरात सर्व मशिदींवरील भोंगे काढले नाहीत, तर मोठे आंदोलन उभारू !

Varanasi Loudspeaker Controversy : आठवड्याभरात सर्व मशिदींवरील भोंगे काढले नाहीत, तर मोठे आंदोलन उभारू !

हनुमानचालिसाला मुसलमानांनी विरोध केल्याच्या घटनेनंतर वाराणसीमध्ये हिंदु संघटनांची प्रशासनाला चेतावणी

वाराणसी (उत्तरप्रदेश) – येथील हनुमान मंदिराच्या पुजार्‍याला हनुमानचालिसाच्या पठणावरून मुसलमान पिता-पुत्राने धमकी दिल्यानंतर त्यांना अटक करण्यात आल्याची घटना २ दिवसांपूर्वी घडली होती. या प्रकरणी येथील हिंदु संघटनांनी ‘जर काशीतील मंदिरांत हनुमानचालिसा ध्वनीक्षेपकावर लावू दिली जात नसेल, तर कुठल्याही मशिदीत अजान (नमाजपठणासाठी बोलावणे) होऊ दिली जाणार नाही. यासाठी आमच्यावर रासुका (राष्ट्रीय सुरक्षा कायदा) अंतर्गत गुन्हा नोंदवला किंवा चकमकीत पोलिसांनी गोळ्या झाडल्या, तरी आम्ही मागे हटणार नाही’, अशी चेतावणी दिली होती. आता हिंदु सेना नावाच्या संघटनेने ‘जर आठवड्याभरात सर्व मशिदींवरील भोंगे काढले नाहीत, तर मोठे आंदोलन उभारले जाईल’, अशी चेतावणी दिली आहे.

हनुमान सेनेचे अध्यक्ष सुधीर सिंह यांनी ७ ऑक्टोबर या दिवशी प्रशासनाला चेतावणी देत सांगितले की, जर आमच्या मागण्या मान्य झाल्या नाहीत, तर प्रत्येक घरावर मोठे स्पीकर लावून दिवसभर हनुमानचालिसाचे पठण करण्यात येईल. यामुळे ध्वनीप्रदूषण वाढले किंवा व्यवस्था बिघडली, तरी त्याचे संपूर्ण दायित्व प्रशासनाचेच असेल.

सध्या प्रशासनाकडून यावर कोणतीही अधिकृत भूमिका स्पष्ट करण्यात आलेली नाही.

नूतन लेख