‘हिंदुत्व-सामाजिक समरसता’ पुस्तकाचे प्रकाशन !

प्रकाशनासमवेत प.पू. अदृश्य काडसिद्धेश्वर स्वामीजी यांचे व्याख्यान होणार!

सांगली, ६ आक्टोबर  (वार्ता.) – येथील विलिंग्डन महाविद्यालयातील वेलणकर सभागृहात ८ ऑक्टोबर या दिवशी सायंकाळी ६ वाजता कणेरी मठाचे प.पू. अदृश्य काडसिद्धेश्वर स्वामीजी यांच्या हस्ते ‘हिंदुत्व-सामाजिक समरसता’ (लेखक-सरसंघचालक डॉ. मोहनराव भागवत, सर्वश्री भैय्याजी जोशी, सुरेश सोनी, अनिरुद्ध देशपांडे) आणि ‘हिंदुत्व – हिंदुराष्ट्र विकासपथ’ (लेखक – सरसंघचालक डॉ. मोहनराव भागवत, डॉ. कृष्ण गोपाल, श्री. दत्तात्रय होसबाळे) या पुस्तकांचे प्रकाशन केले जाणार आहे. या निमित्ताने ‘हिंदुत्व : समरसतेचा पुण्यप्रवाह’ या विषयावर प.पू. अदृश्य काडसिद्धेश्वर स्वामीजी यांचे व्याख्यान होणार आहे. या कार्यक्रमास सर्वांनी उपस्थित रहावे, असे आवाहन ‘भारतीय विचार साधना प्रकाशन संस्था’, पुणे यांच्या वतीने करण्यात आले आहे.