नवरात्रीच्या निमित्ताने फोंडा (गोवा) येथे पार पडले विविध होम !

फोंडा (गोवा) – ‘हिंदु राष्ट्राची स्थापना लवकरात लवकर व्हावी, सच्चिदानंद परब्रह्म डॉ. आठवले यांना चांगले आरोग्य लाभावे आणि साधकांची साधना चांगली व्हावी’, या उद्देशाने सप्तर्षी जीवनाडीपट्टीत उल्लेख केल्याप्रमाणे नवरात्रीच्या कालावधीत फोंडा (गोवा) येथे विविध होम करण्यात येत आहेत. २२ सप्टेंबर या घटस्थापनेच्या दिवसापासून विविध होमांना प्रारंभ करण्यात आला. या अंतर्गत ‘बगलामुखी होम’, ‘वाराही होम’, ‘कार्तिकेय होम’ आणि ‘चंडी होम’ करण्यात आले. सच्चिदानंद परब्रह्म डॉ. आठवले यांच्या आध्यात्मिक उत्तराधिकारी श्रीसत्‌शक्ति (सौ.) बिंदा नीलेश सिंगबाळ, श्रीचित्‌शक्ति (सौ.) अंजली मुकुल गाडगीळ, सद्गुरु नीलेश सिंगबाळ आणि सद्गुरु डॉ. मुकुल गाडगीळ यांची वंदनीय उपस्थिती लाभली.