साधकांनो, कार्य आणि साधना यांमधील भेद ओळखून कार्य करतांना साधना होण्याकडे लक्ष द्या !

‘समष्टी साधना होण्यासाठी आपण रामराज्याच्या स्थापनेसाठी प्रयत्नरत आहोत. हे करतांना त्याला व्यष्टी साधनेची जोड आवश्यक असते. काही साधकांच्या संदर्भात कार्य करण्याची तळमळ असली, तरी ते करतांना अनुभवामुळे अथवा ‘मी’पणामुळे काही वेळा ‘कार्य मनासारखे व्हावे’, याची अपेक्षा तीव्र असते. काही वेळा तसे झाले नाही की, उत्तरदायी साधक अन् संस्थेच्या कार्यपद्धती यांच्याबद्दल विकल्प येतात. अशा प्रसंगांमध्ये ‘कार्य होण्यापेक्षा येथे ‘माझी साधना होणे’, हे प्राधान्याचे आहे’, हे लक्षात घेतले जात नाही. त्यामध्ये त्यांचे स्वभावदोष आणि अहं हेपण वाढू लागतात. परिणामी साधनेत घसरण होते.

साधकांनो, ईश्वराच्या नियोजनानुसार कार्य होत रहाणारच; पण स्वतःची साधना स्वतःलाच करायची आहे, हे लक्षात घेऊन साधकांनी समष्टी बरोबर व्यष्टी साधनेकडेही लक्ष द्यावे !’

– सच्चिदानंद परब्रह्म डॉ. आठवले