काँग्रेस सरकारमध्ये घेतले जाते दुप्पट ‘कमिशन’ ! – कर्नाटक राज्य ठेकेदार संघ

(‘कमिशन’ म्हणजे ठेकेदारांना कामाची रक्कम मिळवण्यासाठी मध्यस्थांना द्यावी लागणारी टक्केवारी)

बेंगळुरू – कर्नाटक राज्य ठेकेदार संघाने मुख्यमंत्री सिद्धरामय्या यांना पत्र लिहून आरोप केला आहे की, काँग्रेसच्या सत्ताकाळात अनेक विभागाच्या अंतर्गत करण्यात येत असलेल्या विकासकामांची रक्कम मिळण्यासाठी ठेकेदारांकडून घेतली जाणारी टक्केवारी (कमिशन) मागील भाजप सरकारच्या तुलनेत दुप्पट झाली आहे. राज्य सरकार ठेकेदारांची जवळपास २ वर्षांची थकबाकी देण्यात अपयशी ठरल्याचा आरोपही कर्नाटक राज्य ठेकेदार संघाने केला आहे. (यावरून काँग्रेसने त्यांच्या ६० वर्षांच्या सत्ताकाळात किती भ्रष्टाचार केला असेल, हे स्पष्ट होते. अशा भ्रष्ट राजकारण्यांना जनतेने कायमचे घरी बसवले पाहिजे ! – संपादक)