Amrullah Saleh : पाकिस्तानचे लवकरच तुकडे होतील ! – माजी उपराष्ट्रपती अमरुल्ला सालेह, अफगाणिस्तान

अफगाणिस्तानचे माजी उपराष्ट्रपती अमरुल्ला सालेह यांची पाकला चेतावणी

काबुल (अफगाणिस्तान) – पाकच्या वायूदलाने २२ सप्टेंबरला स्वतःच्याच देशातील खैबर पख्तूनख्वाच्या तिराह खोर्‍यातील एका गावावर बाँबफेक केल्यामुळे ३० जणांचा मृत्यू झाला होता. या घटनेवरून अफगाणिस्तानचे माजी उपराष्ट्रपती अमरुल्ला सालेह यांनी ‘पाकिस्तानचे लवकरच तुकडे होतील’, अशी चेतावणी दिली आहे. पाकिस्तानच्या सरकारने पश्तून लोकांकड नेहमीच दुर्लक्ष केले, असा आरोपही त्यांनी केला. खैबर पख्तूनख्वामध्ये पठाणी लोक बहुसंख्य असून त्यांना पाकपासून वेगळे होऊन स्वतंत्र देश निर्माण करायचा आहे आणि त्यामुळे ते सशस्त्र आंदोलन करत आहेत.

सालेह यांनी सामाजिक माध्यमांतून पोस्ट करत पाकला विचारले की, जर पाकिस्तानी वायू दलाने असा प्रकार पंजाब प्रांतात केला असता आणि त्यात २३ नागरिक मारले गेले असते, तर काय झाले असते ?