रामनाथी (गोवा) येथील सनातनच्या आश्रमात झालेल्या महालय श्राद्धविधीच्या आधी आणि श्राद्धविधीनंतर साधकाला जाणवलेली सूत्रे आणि आलेल्या अनुभूती   

‘२६.९.२०२४ या दिवशी रामनाथी (गोवा) येथील सनातनच्या आश्रमात पितरांसाठी महालय श्राद्धविधी करण्याचे भाग्य मला लाभले. त्या वेळी मला श्राद्धविधीच्या आधी आणि श्राद्धविधीनंतर जाणवलेली सूत्रे आणि आलेल्या अनुभूती येथे दिल्या आहेत.

१. ‘श्राद्धविधीच्या आदल्या रात्री मी ‘ॐ ॐ श्री गुरुदेव दत्त ॐ ।’ हा नामजप करत झोपलो. त्यानंतर काही वेळाने मला स्वप्न पडले. त्या स्वप्नातही ‘माझा नामजप चालू होता’, असे मला जाणवले. तेव्हा नामजप करतांना मला पुष्कळ आनंद मिळाला.

२. श्राद्धविधीच्या वेळी पितरांना भोजन देण्याचा विधी होता. तेव्हा मी पितरांना ‘तुम्ही तृप्त आहात का ?’, असे विचारले. त्या वेळी ते मला सूक्ष्मातून म्हणाले, ‘आम्ही तृप्त आहोत.’ तेव्हा ‘पितरांना आनंद झाला आणि त्यांनी मला आशीर्वाद दिला’, असे मला जाणवले.

३. त्या वेळी मला परम पूज्य गुरुदेवांची (सच्चिदानंद परब्रह्म डॉ. आठवले यांची) आठवण झाली आणि माझी भावजागृती झाली. माझी भावावस्था पुष्कळ वेळ टिकली.

‘श्री गुरूंच्या कृपेने माझ्याकडून भावपूर्ण श्राद्धविधी झाले’, त्याबद्दल मी सच्चिदानंद परब्रह्म गुरुदेवांच्या कोमल चरणी कोटीशः कृतज्ञता व्यक्त करतो.’

श्रीगुरुचरणार्पणमस्तु !’

– श्री. लक्ष्मीनारायण आचार्य, सनातन आश्रम, रामनाथी, गोवा. (१०.१०.२०२४)