सनातन प्रभात > Post Type > बातम्या > राष्ट्रीय बातम्या > Basangouda Patil : कर्नाटकामधील भाजपचे आमदार बसनगौडा पाटील यांच्याविरुद्ध  गुन्हा नोंद

Basangouda Patil : कर्नाटकामधील भाजपचे आमदार बसनगौडा पाटील यांच्याविरुद्ध  गुन्हा नोंद

  • कथित चिथावणीखोर भाषण केल्याची पोलिसांनीच केली तक्रार

  • २४ घंट्यांत भाजपच्या २ आमदारांविरुद्ध गुन्हा नोंद
भाजपचे आमदार बसनगौडा पाटील

मद्दुरू (मंड्या) – कर्नाटकामधील विजापूरचे भाजपचे आमदार आणि माजी मंत्री बसनगौडा आर्. पाटील उपाख्य यत्नाळ यांच्यावर मद्दुरू येथे कथित चिथावणीखोर भाषण केल्याचा गुन्हा नोंदवण्यात आला आहे. भाजपचे नेते तथा विधानपरिषदेचे आमदार सी.टी. रवि यांच्याविरुद्ध नुकताच गुन्हा नोंदवल्यानंतर २४ घंट्यांच्या आत आमदार पाटील यांच्यावर ही कारवाई करण्यात आली.

श्री गणेशमूर्तींच्या विसर्जन मिरवणुकीच्या वेळी  झालेल्या दंगलीच्या पार्श्वभूमीवर आमदार पाटील यांनी ११ सप्टेंबरला मद्दुरू परिसराला भेट दिली आणि भाषण केले. या भाषणामुळे धार्मिक भावना दुखावल्याचा आरोप असून त्यावरून पोलीस उपनिरीक्षक मंजुनाथ यांच्या तक्रारीवरून आमदार पाटील यांच्या विरोधात भारतीय न्याय संहितेच्या कलम १९६(१)(अ) (गटांमध्ये वैर निर्माण करणे), कलम २९९ (धार्मिक भावना दुखावणे) आणि कलम ३५३(२) (जनतेत गोंधळ निर्माण करणारी विधाने करणे) या कलमांच्या अंतर्गत गुन्हा नोंदवण्यात आला आहे.

८ सप्टेंबर या दिवशी विसर्जन मिरवणूक मशिदीसमोरून जात असतांना धर्मांध मुसलमानांनी केलेल्या दगडफेकीनंतर या सर्व घटना घडल्या आहेत. या प्रकरणी आतार्यंत २१ जणांना अटक करण्यात आली असून सध्या तेथे तणावाचे वातावरण आहे.

संपादकीय भूमिका

हिंदूंविरुद्ध सतत चिथावणीखोर भाषणे करणारे आणि त्यांना धमकी देणारे यांच्याविरुद्ध पोलीस कधी स्वतःहून तक्रार करून गुन्हा नोंदवतात का ? हा पोलिसांचा हिंदुद्वेष आहे !

नूतन लेख