‘जन्मतःच संत असल्याचे मंगळुरू, कर्नाटक येथील बालसंत पू. भार्गवराम भरत प्रभु (वय ८ वर्षे) हे सनातन संस्थेचे पहिले उदाहरण असून पू. वामन अनिरुद्ध राजंदेकर हे सनातन संस्थेचे दुसरे बालसंत आहेत. बालसंत पू. वामन राजंदेकर (वय ७ वर्षे) यांचा वामन जयंतीला, म्हणजचे ४.९.२०२५ या दिवशी तिथीनुसार वाढदिवस आहे. श्री गुरूंची दिव्य कृपा आणि संतांनी गेल्या जन्मांमध्ये केलेली कठोर साधना यांमुळे त्यांनी जन्मतःच संतपद प्राप्त केले आहे. या लेखमालिकेतून आपण पू. वामन अनिरुद्ध राजंदेकर यांना संतपदापर्यंत नेणार्या त्यांच्या आध्यात्मिक गुणवैशिष्ट्यांविषयी जाणून घेणार आहोत.
१. पू. वामन राजंदेकर हे श्रीविष्णूच्या हातातील कौमुदी गदेचे अंश-अवतार असणे
पू. वामन हे श्रीविष्णूच्या हातातील दिव्य कौमुदी गदेचे अंशावतार आहेत. त्यामुळे त्यांच्यामध्ये मुळातच १० टक्के विष्णुतत्त्व आहे. जेव्हा मी पू. वामन यांना पहिल्यांदा बालस्वरूपात पाहिले, तेव्हा मला त्यांच्या ठिकाणी गडद निळी वस्त्रे आणि त्यांना सोनेरी किनार असलेल्या पोषाखातील गदाधारी चतुर्भुज नारायणाच्या बाल रूपाचे दर्शन झाले. तेव्हा माझे लक्ष श्रीमन्नारायणाच्या हातातील भारदस्त आणि दैवी असलेल्या सोनेरी गदेकडे वेधले जात होते. त्याचा अर्थ मला आज उलगडला.
२. कौमुदी गदेने विविध रूपे धारण करून विविध जन्मांमध्ये विविध युगांमध्ये केलेली साधना
श्रीविष्णु संपूर्ण सृष्टीच्या कल्याणासाठी विविध युगांमध्ये अवतार धारण करतो. सत्ययुगात श्रीविष्णूच्या हातातील कौमुदी गदेलाही श्रीविष्णूसमवेत अंशावतार धारण करून त्याच्या अवतारी लीलेत सहभागी होण्याची इच्छा झाली. त्याप्रमाणे कौमुदी गदेने सत्ययुगात ध्रुवबाळ बनून वनामध्ये जाऊन सहस्रो वर्षे श्रीविष्णूची आराधना केली. त्यानंतर श्रीविष्णूने ध्रुवबाळावर प्रसन्न होऊन त्याला राजमहाली परतून पृथ्वीचे राज्य सांभाळण्यास सांगितले आणि जन्माच्या शेवटी ‘तू ध्रुवतारा बनून नक्षत्र मंडलात स्थापित होशील’, असे वरदान दिले. त्याप्रमाणे ध्रुवबाळाने अनेक वर्षे पृथ्वीवर धर्मपरायण राहून धर्मराज्य केले आणि नंतर तो ध्रुवतारा बनून नक्षत्र मंडलात स्थित झाला. तेव्हा सत्ययुगाच्या अंती आणि त्रेतायुगाच्या प्रारंभी ध्रुवतार्यातील कौमुदी गदेचा अंश बाहेर येऊन त्याने वामदेवऋषींचे रूप धारण केले आणि त्यांनी ध्रुवतार्यावर राहून सहस्रो वर्षे श्रीविष्णूचे तप केले. त्यानंतर द्वापरयुगात श्रीविष्णूने कौमुदी गदेचे अंशावतार असणार्या वामदेवऋषींना सांगितले, ‘कलियुगात तुम्ही जन्मतः संत असणार आहात. तुमच्या मनात श्रीविष्णूच्या अवतारांविषयी विशेष आकर्षण असल्यामुळे तुम्हाला कलियुगात होणार्या श्रीविष्णूचा ज्ञानावतार सच्चिदानंद परब्रह्म डॉ. आठवले यांच्या समवेत अवतारी कार्य करून समष्टी साधनेची धुरा सांभाळण्याची सुवर्णसंधी लाभणार आहे. त्या मनुष्य अवतारात तुमचे नाव ‘श्री. वामन’ असेल.’
३. पू. वामन यांनी ध्रुवबाळ, वामदेवऋषि आणि पू. वामन यांच्या स्वरूपात विविध योगमार्गांनी केलेल्या साधनेचे प्रमाण अन् त्यामुळे त्यांच्यात विकसित झालेले विविध दैवी गुण
टीप १ – पू. वामन यांची सतत ध्यानसाधना चालू असल्याने त्यांची वृत्ती सतत अंतर्मुख असते. त्यामुळे ते इतरांशी अल्प प्रमाणात बोलून अधिक वेळ मौन धारण करून भगवंताविषयीच्या चिंतनात मग्न असतात.
टीप २ – पू. वामन यांनी हठयोगाप्रमाणे साधना केल्यामुळे ते त्यांच्या साधनेत विघ्ने आणू पहाणार्या पाताळातील मोठ्या अनिष्ट शक्तींनी दिलेल्या त्रासावर मात करून त्यांच्याशी क्षात्रभावाने लढत असतात.
(क्रमशः)
– सुश्री मधुरा भोसले (आध्यात्मिक पातळी ६५ टक्के), सनातन आश्रम, रामनाथी, गोवा. (ज्ञान मिळण्याचा दिनांक : १.८.२०२५)
|
लेखाचा पुढील भाग वाचण्यासाठी येथे क्लिक करा- https://sanatanprabhat.org/marathi/954871.html
समष्टीसाठी सतत झटणारे सनातनचे ७५ वे (समष्टी) संत पू. रमानंद गौडा (वय ४९ वर्षे)!
पू. (कै.) श्रीमती आनंदी पाटील यांच्या देहत्यागापूर्वी आणि देहत्यागानंतर त्यांच्या कुटुंबियांना जाणवलेली सूत्रे अन् आलेल्या अनुभूती !
सच्चिदानंद परब्रह्म डॉ. आठवले यांच्या त्वचेतील पंचतत्त्वांचे प्रमाण 
मुंबई येथे झालेल्या दशमहाविद्यांपैकी एक श्री राजमातंगीदेवीच्या ‘श्री राजमातंगी महायज्ञा’च्या वेळी साधकांना आलेल्या अनुभूती !
सच्चिदानंद परब्रह्म डॉ. आठवले यांच्या डोक्यावरील केसांच्या विविध रंगांच्या छटा सूर्यप्रकाशात स्पष्ट दिसण्याचे आणि अन्य अनैसर्गिक प्रकाशात न दिसण्याचे कारण !