सनातन प्रभात > Post Type > बातम्या > राष्ट्रीय बातम्या > CM Criminal Cases : देशातील ३० पैकी १२ मुख्यमंत्र्यांवर आहे गुन्हेगारी खटल्यांची नोंद

CM Criminal Cases : देशातील ३० पैकी १२ मुख्यमंत्र्यांवर आहे गुन्हेगारी खटल्यांची नोंद

नवी देहली – ‘असोसिएशन फॉर डेमोक्रॅटिक रिफॉर्म्स’ (ए.डी.आर्.) या स्वयंसेवी संस्थेच्या ताज्या अहवालानुसार देशातील ३० मुख्यमंत्र्यांपैकी १२ म्हणजे ४० टक्के मुख्यमंत्र्यांवर गुन्हेगारी खटले नोंद आहेत. त्यांपैकी १० म्हणजे ३३ टक्के मुख्यमंत्र्यांवर खून करण्याचा प्रयत्न, अपहरण आणि लाचखोरी असे गंभीर गुन्हे नोंद आहेत. त्यातही तेलंगाणाचे काँग्रेस सरकारचे मुख्यमंत्री रेवंत रेड्डी यांच्याविरुद्ध सर्वाधिक ८९ गुन्हे नोंद आहेत. नुकतेच केंद्र सरकारने लोकसभेत ३ विधेयके सादर केली आहेत. ज्या अंतर्गत गंभीर गुन्हेगारी आरोपांखाली ३० दिवसांसाठी अटक केलेले पंतप्रधान, मुख्यमंत्री आणि मंत्री पदावर रहाण्यास अपात्र ठरणार आहेत.

ए.डी.आर्.ने या मुख्यमंत्र्यांनी निवडणूक लढण्यापूर्वी प्रविष्ट (दाखल) केलेल्या प्रतिज्ञापत्रांमधून ही माहिती एकत्र करण्यात आली आहे.

संपादकीय भूमिका

जोपर्यंत गुन्हा सिद्ध होत नाही, तोपर्यंत प्रत्येक जण निरपराध असतो, असे म्हटले जाते. त्यामुळे लोकशाही व्यवस्थेनुसार गुन्हे नोंद असणारे अशा पदांवर नियुक्त केले जाऊ शकतात. हा नियम पालटणे आता आवश्यक झाले आहे !

नूतन लेख