मला अटक करून दाखवा, मी वाट पहात आहे ! – Venezuela President

कराकस (व्हेनेझुएला) – या आणि मला अटक करा, मी इथेच मिराफ्लोरेस (राष्ट्रपती राजवाडा) मध्ये तुमची वाट पहात आहे. भेकड लोकांनी विलंब करू नये, अशा शब्दांत अमेरिका खंडाजवळील व्हेनेझुएला देशाचे राष्ट्राध्यक्ष निकोलस मादुरो यांनी स्वतःला अटक करून दाखवण्याचे आव्हान अमेरिकेचे राष्ट्राध्यक्ष ट्रम्प यांना दिले आहे.

अमेरिकेने मादुरो यांच्यावर अनुमाने ४२० कोटी रुपयांचे बक्षीस ठेवले आहे. अमेरिकेने मादुरो यांची ७० कोटी डॉलर्सपेक्षा (५ सहस्र ८१० कोटी रुपये) अधिक किमतीची मालमत्ता जप्त केली आहे. यामध्ये दोन खासगी विमानांचा समावेश आहे. अमेरिकेचा आरोप आहे की, मादुरो अमली पदार्थांचे तस्कर असून ते अमेरिकेत कोकेन पाठवण्याचे काम करत आहेत. मादुरो यांच्याकडे ७ टन कोकेन आहे, जे ते अमेरिकेत पाठवण्याची सिद्धता करत आहेत.