Pakistan Indian Diplomats : पाकने भारतीय राजदूतांच्या घराचा पाणीपुरवठा रोखला !

इस्लामाबाद (पाकिस्तान) – पाकने येथील भारतीय राजदूतांच्या घराला होणारा पाणी पुरवठा आणि गॅस पुरवठा रोखला. यासह वर्तमानपत्रही बंद केले आहे. पाकने स्थानिक गॅस सिलिंडर पुरवठादारांना भारतीय राजदूतांना सिलिंडर न विकण्याचा आदेश दिला आहे. ‘ऑपरेशन सिंदूर’चा सूड उगवण्यासाठी पाकची गुप्तचर संस्था आय.एस्.आय.ने (इंटर सर्व्हिस इंटेलिजन्स – आंतरसेवा गुप्तचर यंत्रणेने) आखलेल्या कटातील हा एक भाग असल्याचे म्हटले जात आहे. यापूर्वी वर्ष २०१९ मध्ये भारताने केलेल्या ‘सर्जिकल स्ट्राईक’नंतर पाकने राजदूतांना असाच त्रास दिला होता. पाकच्या आताच्या कृतीनंतर भारताने देहलीतील पाकिस्तानी राजदूतांना वर्तमानपत्रे पोचवणे बंद केले आहे.

🚨 Pakistan’s Petty Revenge for ‘Operation Sindoor’!

Water, gas & newspapers cut off at Indian Diplomat’s residence in Islamabad – a clear breach of the 1961 Vienna Convention (Art. 25).

Such childish antics only expose Pakistan’s desperation before the world.

India should… pic.twitter.com/QEgvVnHvaX

— Sanatan Prabhat (@SanatanPrabhat) August 12, 2025

आंतरराष्ट्रीय कराराचे उल्लंघन !

पाकने केलेली कृती राजनैतिक संबंधांवरील ‘व्हिएन्ना करारा’चे (वर्ष १९६१)  उल्लंघन आहे. कराराच्या कलम २५ नुसार यजमान देशाने राजनैतिक मोहिमेचे सुरळीत कामकाज चालवण्यासाठी सर्व सुविधा पुरवल्या पाहिजेत. जाणूनबुजून आवश्यक वस्तू रोखून पाकिस्तानने दूतावासाचे काम आणि राजदूतांचे दैनंदिन जीवन विस्कळीत केले आहे.