आतंकवादाला धर्म असतो आणि तो म्हणजे मुसलमान ! – Sadhvi Pragya Singh

भाजपच्या माजी खासदार साध्वी प्रज्ञासिंह यांचे विधान

भोपाळ (मध्यप्रदेश) – मालेगाव बाँबस्फोट प्रकरणातून निर्दोष मुक्त झाल्यानंतर भाजपच्या माजी खासदार साध्वी प्रज्ञासिंह ठाकूर त्यांच्या मूळगावी, म्हणजे भोपाळमध्ये परतल्या. त्या वेळी ‘भारतमाता की जय’च्या घोषणांसह पुष्पवृष्टी करून त्यांचे भव्य स्वागत करण्यात आले. येथे पत्रकारांशी बोलतांना साध्वी प्रज्ञा म्हणाल्या की, कोण म्हणतो आतंकवादाचा रंग नसतो ? आतंकवादाचा रंग हिरवा आहे. हिरव्या रंगाच्या झेंड्याखाली आतंकवाद पसरवला जातो. या लोकांनी हिरवा रंग घेऊन पहलगाममध्ये जे काही केले, ते सर्वांच्या समोर आहे. तेथे आतंकवाद्यांनी लोकांना विचारले, ‘तू हिंदु आहेस का ?’ आणि मग कपडे उतरवून तपासून गोळ्या झाडल्या. ‘मुसलमान आतंकवाद’ असतो, हे निश्चित आहे.

हिंदू कधीच आतंकवादी असू शकत नाहीत !

साध्वी प्रज्ञासिंह म्हणाल्या की, मालेगाव बाँबस्फोट प्रकरणात १७ वर्षे शारीरिक  आणि मानसिक छळ सहन करावा लागला; मात्र शेवटी सत्याचाच विजय झाला. काँग्रेसने ‘भगवा आतंकवाद’ ही खोटी कथा सिद्ध केली; मात्र ती टिकली नाही. हिंदू कधीच आतंकवादी असू शकत नाहीत; कारण हिंदू सहिष्णु असतात. ‘वसुधैव कुटुम्बकम्’ हीच आमची शिकवण आहे. काँग्रेसने अधर्मी मानसिकतेला खतपाणी घातले आणि हिंदूंना अपमानित करण्याचा कट रचला. काँग्रेस आतंकवाद्यांसाठी अश्रू ढाळते आणि हिंदूंना त्रास देते. दिग्विजय सिंह तर पूर्णपणे दिग्भ्रमित झाले आहेत. त्यांचे नावच अशुभ आहे.

साध्वी समाजात फूट पाडण्याचा प्रयत्न करत आहेत ! – काँग्रेस

काँग्रेसचे मध्यप्रदेश प्रवक्ते भूपेंद्र गुप्ता यांनी साध्वींच्या विधानावर प्रतिक्रिया व्यक्त करतांना म्हटले की, न्यायालयांनी यापूर्वीच स्पष्ट केले आहे की, आतंकवादाला कोणताही रंग नसतो. साध्वी प्रज्ञासिंह यांचे विधान अत्यंत दुर्दैवी आहे. त्या पुन्हा एकदा समाजात फूट पाडण्याचा प्रयत्न करत आहेत.

संपादकीय भूमिका

काँग्रेसने ‘हिंदु आतंकवाद’ असे म्हटले, तर ती वस्तूस्थिती आणि साध्वी प्रज्ञासिंह यांनी ‘मुसलमान आतंकवाद’ म्हटले, तर तो फूट पाडण्याचा प्रयत्न, हा काँग्रेसचा दुटप्पीपणाच नव्हे, तर हिंदुद्वेष अन् मुसलमानप्रेम आहे !