श्रीचित्‌शक्ति (सौ.) अंजली मुकुल गाडगीळ यांना ‘नागपंचमी’च्या दिवशी अग्नीचे निखारे आणि धूर यांमध्ये झाले नागांचे दर्शन !

कांचीपूरम् (तमिळनाडू) – सनातन संस्थेचे संस्थापक सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी श्रीचित्‌शक्ति (सौ.) अंजली मुकुल गाडगीळ यांनी प्रतिदिनप्रमाणे २९ जुलै या दिवशी (‘नागपंचमी’च्या दिवशी) अग्निहोत्र केले. या अग्निहोत्राच्या वेळी श्रीचित्‌शक्ति (सौ.) गाडगीळ यांनी ‘नागपंचमी’च्या निमित्ताने नवनागांना ‘सच्चिदानंद परब्रह्म डॉ. आठवले यांना उत्तम आरोग्य लाभावे, आगामी आत्पकाळात साधकांचे रक्षण व्हावे आणि लवकरात लवकर हिंदु राष्ट्राची स्थापना व्हावी’, अशी प्रार्थना केली, तसेच त्यांनी ‘ॐ नवकुलाय विद्महे विषदन्ताय धीमहि तन्नो सर्पः प्रचोदयात् ।’,

(अर्थ : आम्ही नवकुळांच्या नागाचे स्मरण करतो, विषदंताचे ध्यान करतो. तो नाग आम्हाला प्रेरित करो.) हा ‘नाग गायत्रीमंत्र’ १०८ वेळा म्हणत अग्निहोत्र पात्रात आहुती दिली. यानंतर अग्नीच्या निखार्‍यावर नागाची आकृती उमटलेली दिसली, तसेच धुरातही अनेक नाग अग्नीकडे झेपावत असल्याचे दिसत होते. ‘नवनागांना प्रार्थना केल्याने अनेक नाग दिसल्याची आणि त्यांच्यापर्यंत प्रार्थना पोचल्याची प्रचीती नागदेवतेने दिली’, असे श्रीचित्‌शक्ति (सौ.) गाडगीळ यांना जाणवले.