सनातन प्रभात > Post Type > बातम्या > राष्ट्रीय बातम्या > Puneeth Kerehalli : गोमांस असणारे वाहन अडवून आक्रमण केल्याप्रकरणी हिंदुत्वनिष्ठावर गुन्हा नोंद !

Puneeth Kerehalli : गोमांस असणारे वाहन अडवून आक्रमण केल्याप्रकरणी हिंदुत्वनिष्ठावर गुन्हा नोंद !

बेंगळुरू (कर्नाटक) येथील घटना

हिंदुत्वनिष्ठ पुनीत केरेहळ्ळी (उजवीकडे)

बेंगळुरू (कर्नाटक) – गोमांस घेऊन जाणार्‍या मालवाहू वाहनाला अडवून चालक आणि आणखी एकाला मारहाण केल्याप्रकरणी पुनीत केरेहळ्ळी या हिंदुत्वनिष्ठावर गुन्हा नोंदवण्यात आला. बागलगुंटे पोलिसांनी त्यांना अटक करून चौकशी केली आणि नंतर जामिनावर सोडून दिले.

‘टी. दासरहळ्ळी फ्लायओवर’जवळ बेकायदेशीरपणे वासराचे मांस घेऊन जात असल्याच्या आरोपावरून घटनास्थळी पोचलेल्या पोलिसांनी महिंद्रा बोलेरो मालवाहू वाहनासह चालकाला ताब्यात घेतले आहे. सध्या मांसाचा नमुना घेऊन ते वासराचे मांसच आहे का, हे निश्चित करण्यासाठी तपासणीसाठी पाठवण्यात आले आहे, अशी माहिती पोलीस सूत्रांनी दिली आहे.

संपादकीय भूमिका

स्वत: काही करायचे नाही, अवैध गोहत्या आणि तस्करी होऊ द्यायची अन् कुणा हिंदुत्वनिष्ठाने यासाठी प्रयत्न केल्यावर त्याच्यावर गुन्हा नोंदवायचा, या हीन मनोवृत्तीचे कर्नाटकातील हिंदुद्वेष्टे पोलीस !

नूतन लेख