सनातन प्रभात > Post Type > बातम्या > राष्ट्रीय बातम्या > Fake Fertilizers Union Minister : निकृष्ट दर्जाच्या खतांच्या विरोधात कठोर कारवाई करणे आवश्यक !

Fake Fertilizers Union Minister : निकृष्ट दर्जाच्या खतांच्या विरोधात कठोर कारवाई करणे आवश्यक !

केंद्रीय कृषी मंत्री शिवराज सिंह चौहान यांचे सर्व मुख्यमंत्र्यांना पत्र

केंद्रीय कृषीमंत्री शिवराज सिंह चौहान

नवी देहली : बनावट आणि निकृष्ट दर्जाच्या खतांच्या विरोधात कठोर कारवाई करण्याचे निर्देश केंद्रीय कृषी आणि शेतकरी कल्याण, तसेच ग्रामीण विकास मंत्री शिवराज सिंह चौहान यांनी सर्व राज्ये आणि केंद्रशासित प्रदेश यांच्या मुख्यमंत्र्यांना पत्र लिहून दिले. निकृष्ट दर्जाची खते वापरल्याने शेतकर्‍यांची होणारी हानी टाळण्यासाठी आणि त्यांना गुणवत्तापूर्ण खते वेळेवर आणि योग्य दरात उपलब्ध करून देण्यासाठी हे पाऊल उचलण्यात आले आहे.

केंद्रीय मंत्री श्री. चौहान यांनी त्यांच्या पत्रात नमूद केले आहे की,

१. कृषी ही भारतीय अर्थव्यवस्थेचा कणा आहे आणि शेतकर्‍यांचे उत्पन्न स्थिर ठेवण्यासाठी दर्जेदार खतांची वेळेवर उपलब्धता होणे अत्यावश्यक आहे. बनावट खतांची विक्री, अनुदानावरील खतांचा काळाबाजार यांसारख्या बेकायदा प्रकारांवर कठोर कारवाई करणे आवश्यक आहे.

२. खतांची उपलब्धता सुनिश्चित करणे, हे राज्यांचे दायित्व आहे. काळाबाजार, वाढीव किमतीत विक्री आणि अनुदानावरील खतांचे चुकीच्या पद्धतीने वितरण, यांवर लक्ष ठेवणे आवश्यक आहे. यासह खतांचे उत्पादन आणि विक्री यांवर नियमित देखरेख ठेवून चाचणी प्रक्रियेद्वारे निकृष्ट दर्जाच्या खतांवर नियंत्रण ठेवणेही आवश्यक आहे.

३. शेतकर्‍यांना या प्रकारांपासून वाचवण्यासाठी त्यांना जागरूक करणे आणि त्यांच्याकडून अभिप्राय घेण्यासाठी प्रभावी यंत्रणा उभी करणे आवश्यक आहे.

नूतन लेख