सनातन प्रभात > Post Type > बातम्या > आंतरराष्ट्रीय बातम्या > BNP-Linked Terror : बांगलादेशात ‘बांगलादेश नॅशनलिस्ट पार्टी’कडून हिंदूंवर आक्रमणे ! – शेख हसीना

BNP-Linked Terror : बांगलादेशात ‘बांगलादेश नॅशनलिस्ट पार्टी’कडून हिंदूंवर आक्रमणे ! – शेख हसीना

ढाका (बांगलादेश) : बांगलादेशाच्या माजी पंतप्रधान शेख हसीना यांच्या ‘अवामी लीग’ या पक्षाने ‘बांगलादेश नॅशनलिस्ट पार्टी’ पक्षावर आरोप केला आहे की, त्या पक्षाचे कार्यकर्ते हिंदु आणि इतर अल्पसंख्यांक यांच्यावर आक्रमणे करत आहेत अन्  त्यांना धमकावून त्यांना देश सोडण्यास भाग पाडत आहेत.

अहिंदूंवरील त्याचारांविरोधात आवाज उठवणार्‍यांच्या घरांवर आक्रमण

अवामी लीगने सामाजिक माध्यमांत प्रसारित केलेल्या एका पोस्टमध्ये म्हटले आहे की, ‘बांगलादेश नॅशनलिस्ट पार्टी’चा नेता शहीदुल इस्लाम आणि त्याचे सशस्त्र गुंड यांनी ठाकुरगाव जिल्ह्यातील धोलारहाट युनियनमधील बिजॉय चंद्र रॉय यांच्या घरावर आक्रमण केले. बिजॉय चंद्र रॉय बांगलादेशातील हिंदूंवरील अत्याचारांविरोधात आवाज उठवत होते. आक्रमणकर्त्यांनी येथील मानसा मंदिर उद्ध्वस्त केले आणि २ पवित्र मूर्तींची तोडफोड केली. घरात तोडफोड करून आग लावण्यात आली. आक्रमण करणार्‍यांनी हिंदु समाज आणि इतर अल्पसंख्यांक यांना धमकावले आणि देश सोडून जाण्याची धमकी दिली.

सरकार स्वतः हिंदूंवर आक्रमणे घडवून आणत आहे !

अवामी लीगने प्रश्न विचारला की, हिंसा, धमकावणे आणि वंशसंहार, हेच का ‘बांगलादेश नॅशनलिस्ट पार्टी’चे लोकशाहीचे विचार आहेत ? धार्मिक अल्पसंख्यांकांच्या घरांवर आक्रमणे, लूटमार आणि जाळपोळ या घटना चालूच आहेत. हे नरसंहारासारखेच आहे. महंमद युनुस यांच्या हुकूमशाही सरकारमध्ये हे अत्याचार चालू आहेत आणि आता तर सरकार स्वतःच हिंदूंवर आक्रमणे घडवून आणत आहे.

संपादकीय भूमिका

बांगलादेशात बहुतेक सर्वच मुसलमान हिंदूंवर आक्रमण करतात; कारण शेख हसीना यांचे सरकार असतांना त्यांच्याच पक्षाचे कार्यकर्ते हिंदूंवर आक्रमण करत होते, हीसुद्धा वस्तूस्थिती आहे !

नूतन लेख