Hina Rabbani Khar : पाकच्या माजी परराष्ट्रमंत्री हिना रब्बानी खार यांच्याकडून आतंकवाद्याला पाठीशी घालण्याचा प्रयत्न

पत्रकाराने पुराव्यासह उघडे पाडल्यानंतरही हिना यांच्याकडून सत्य स्वीकारण्यास नकार

इस्लामाबाद (पाकिस्तान) – भारताने ‘ऑपरेशन सिंदूर’द्वारे पाकमधील आतंकवादी तळांवर केलेल्या आक्रमणात अनेक आतंकवादी ठार झाले. त्यांच्या अंत्यसंस्काराच्या वेळी पाकचे सैन्य आणि पोलीस अधिकारी यांच्यासह आतंकवादी अब्दुल रौफ उपस्थित होता आणि याची छायाचित्रे प्रसारित झाली होती. या संदर्भात  ‘अल् जझीरा’ या वृत्तवाहिनीने पाकच्या माजी परराष्ट्रमंत्री हिना रब्बानी खार यांची मुलाखत घेतली. या मुलाखातीत रब्बानी यांना प्रश्न विचारण्यात आल्यावर त्यांनी ‘मी पूर्ण आत्मविश्वासाने आणि पुराव्यांसह म्हणत आहे की, ही ती व्यक्ती नाही, जिला भारत आतंकवादी म्हणत आहे. ती सामान्य नागरिक आहे. पाकमध्ये लाखो अब्दुल रौफ आहेत.’ यावर पत्रकाराने तिचे म्हणणे किती खोटे आहे ?, हे उघड केल्यानंतरही तिने रौफ आतंकवादी असल्याचे मान्य करण्यास नकार दिला.

🎙️ Exposed on Live TV!
Ex-Pak FM Hina Rabbani Khar shamelessly defends a terrorist
even after being shown clear evidence! 😠🇵🇰

🧨 Pakistan refuses to admit it's a terror hub fuelling anti-India activities.

👉 Time to isolate and crush the terror factory once and for all! 🔥… pic.twitter.com/bzqR1ewcc6

— Sanatan Prabhat (@SanatanPrabhat) July 11, 2025

१. पत्रकाराने सांगितले की, ‘ऑपरेशन सिंदूर’नंतर पत्रकार परिषदेत पाकिस्तानी सैन्याने संबंधित छायाचित्र बनावट असल्याचे घोषित केले नाही. सैन्यदलाने सांगितले की, हा माणूस एका राजकीय पक्षाचा सदस्य आहे आणि सैन्य दलाने त्या माणसाचा राष्ट्र्रीय ओळखपत्र क्रमांक (आयडी क्रमांक) प्रसारित केला. हा क्रमांक अमेरिकेच्या आतंकवादी सूचीत असलेल्या हाफीज अब्दुल रौफ याच्या क्रमांकाशी जुळतो.

२. यावर खार यांनी पुन्हा दावा केला की, पाकिस्तानी सैन्याच्या संबंधित विभागाने  स्पष्टपणे सांगितले आहे की, ही तीच व्यक्ती नाही.