Kazakhstan Burqa Ban : मुसलमानबहुल कझाकस्तानमध्ये महिलांना बुरखाबंदी !

(बुरखा म्हणजे संपूर्ण शरीर झाकण्याचे वस्त्र)

अस्ताना – कझाकस्तानमध्ये नुकत्याच संमत झालेल्या एका नवीन कायद्यानुसार,  महिला सार्वजनिक ठिकाणी बुरखा किंवा चेहरा झाकणारे कापड घालू शकणार नाहीत. कझाकस्तानचे राष्ट्रपती कासिम-जोमार्ट तोकायेव यांनी नुकतीच या कायद्यावर स्वाक्षरी केली. हा कायदा सार्वजनिक ठिकाणी कुणालाही चेहरा झाकण्यास मनाई करतो. या देशातील ७० टक्के लोक इस्लामनुसार आचरण करत असूनही येथे असा निर्णय घेण्यात आला आहे.

१. कझाकस्तानचे राष्ट्रपती तोकायेव यांनी म्हटले आहे की, चेहरा लपवणारे कपडे घालण्याऐवजी राष्ट्रीय शैलीचे कपडे घालणे चांगले. तोकायेव यांनी देशाची धर्मनिरपेक्षता प्रतिमा राखण्यावरही भर दिला आहे.

२. यापूर्वी वर्ष २०२३ मध्ये कझाकस्तान सरकारने एक महत्त्वाचा निर्णय घेतला होता आणि शाळांमध्ये हिजाब (मुसलमान महिलांचे डोके आणि मान झाकण्याचे वस्त्र) आणि नकाब (चेहरा झाकण्याचे जाळी असलेले वस्त्र) यांवर बंदी घातली होती.