उत्तरप्रदेश काँग्रेसचे प्रदेशाध्यक्ष अजय राय यांनी खेळण्याच्या विमानाला लिंबू-मिरची बांधून केंद्र सरकारवर केली टीका

नवी देहली – उत्तरप्रदेश काँग्रेसचे प्रदेशाध्यक्ष अजय राय यांनी एक खेळण्यांचे विमान दाखवले होते ज्यावर त्यांनी ‘राफेल’ लिहिले होते. त्यावर त्यांनी लिंबू-मिरची लावली होती. ‘राफेलमधून लिंबू आणि मिरची कधी काढली जाईल ? देशातील लोकांना हे जाणून घ्यायचे आहे की, ते त्याचे काम कधी करेल ?, असा प्रश्न राय यांनी विचारला होता. यावर भाजपने प्रत्युत्तर देत राय यांच्यावर टीका केली आहे.

भारतीय सैन्याला पाकिस्तानच्या वाईट नजरेपासून वाचवण्याची आवश्यकता ! – भाजप 

भाजपचे राष्ट्रीय प्रवक्ते असणारे खासदार सुधांशू त्रिवेदी यांनी म्हटले की, ही कदाचित् काँग्रेसला हे ठाऊक नसेल की, भारतीय सैन्य धार्मिक शिक्षकांची भरती आणि नियुक्ती करते अन् जेव्हा ते युद्धात जातात, तेव्हा ते असेच विधी करतात. राफेलवर काढण्यात आलेल्या स्वस्तिकचा अपमान करून काँग्रेस कुणाची थट्टा करण्याचा प्रयत्न करत आहे, हे मला जाणून घ्यायचे आहे. ते सनातन धर्माची थट्टा करत आहेत का ? आज भारतीय सैन्याला पाकिस्तानच्या वाईट नजरेला घाबरण्याची आवश्यकता नाही; कारण पाकिस्तानी सैन्य भारतीय सैन्याकडे भीतीने पाहत आहे; मात्र ‘इंडी’ आघाडी आणि काँग्रेस भारतीय सैन्याकडे वाईट दृष्टीने पाहत आहेत.