ADR Donation Report : वर्ष २०२३-२४ मध्ये भाजपला मिळाल्या सर्वाधिक देणग्या !

नवी देहली – ‘असोसिएशन फॉर डेमोक्रॅटिक रिफॉर्म्स’ या संस्थेने प्रसिद्ध केलेल्या अहवालात २०२३-२४ या आर्थिक वर्षात देशातील राष्ट्रीय पक्षांना मिळालेल्या देणग्यांची आकडेवारी दिली आहे. यात भाजपला सर्वाधिक देणग्या मिळाल्याचे समोर आले आहे. भाजपला मिळालेली देणगी काँग्रेस, आम आदमी पक्ष (आप), नॅशनल पीपल्स पार्टी (एन्पीईपी) आणि मार्क्सवादी कम्युनिस्ट पक्ष यांना मिळालेल्या एकूण देणग्यांपेक्षा ६ पट अधिक आहेत. या अहवालात एकूण २ सहस्र ५४४ कोटी २८ लाख रुपयांच्या देणग्यांची माहिती देण्यात आल्याचे सांगण्यात आले आहे.

१. ‘कॉर्पोरेट’ किंवा व्यावसायिक क्षेत्राने एकूण ३ सहस्र ७५५ देणग्या दिल्या, ज्याची एकूण रक्कम २ सहस्र २६२ कोटी ५ह लाख इतकी आहे. हे प्रमाण एकूण देणग्यांच्या ८८.९ टक्के आहे.

२. भाजपला एकूण २ सहस्र ६४ कोटी ५८ लाख रुपये मिळाले. याखेरीज ४ सहस्र ६२८ लोकांनी भाजपला १६९ कोटी १२ लाख रुपयांचे दान दिले.

३. काँग्रेसला कॉर्पोरेट क्षेत्राकडून १९० कोटी ३० लाख रुपयांच्या, तर सामान्य लोकांकडून ९० कोटी ८९ लाख रुपयांच्या देणग्या मिळाल्या.